యంగ్‌ హీరో రాజ్‌ తరుణ్, మాళవిక నాయర్ హీరోహీరోయిన్లుగా శ్రీమతి లక్ష్మీ రాధామోహన్‌ సమర్పణలో శ్రీసత్యసాయి ఆర్ట్స్‌ పతాకంపై కొండా విజయ్‌కుమార్‌ దర్శకత్వంలో కె.కె.రాధామోహన్‌ నిర్మిస్తున్న కంప్లీట్‌ ఎంటర్టైనర్ ‘ఒరేయ్‌ బుజ్జిగా…’. ఈ చిత్రంలో హీరోయిన్ హెభా పటేల్ ప్ర‌త్యేక పాత్రలో న‌టిస్తోంది. ఇప్పటికే షూటింగ్ పూర్తిచేసుకున్న ఈ చిత్రం మార్చి 25న ఒరేజ్ బుజ్జిగా ఉగాది కానుకగా ప్రేక్షకుల ముందుకురానుంది.
ఇటీవ‌ల విడుద‌లైన ఈ చిత్రం ఫ‌స్ట్‌లుక్ పోస్ట‌ర్ కి ట్రెమండస్ రెస్పాన్స్ వస్తోంది. ఈ సందర్భంగా మాట్లాడిన నిర్మాత రాధామోహన్‌.. రాజ్‌ తరుణ్ కి తగిన యూత్ అండ్ ఫ్యామిలీ ఎంటర్టైనర్ ఇది అన్నారు. మా బ్యాన‌ర్‌లో ‘ఏమైంది ఈ వేళ’, ‘అధినేత’, ‘బెంగాల్ టైగర్’, ‘పంతం’ వంటి సూపర్ హిట్ చిత్రాల తర్వాత వస్తున్న మరో సూపర్ హిట్ మూవీ ఇదని మంచి కమర్షియల్ సినిమా అవుతుందన్నారు.
రాజ్‌ తరుణ్, మాళవిక నాయర్ జంటగా నటిస్తున్న ఈ చిత్రంలో కీలక పాత్రలో హెబా పటేల్, వాణీ విశ్వనాథ్‌, నరేష్‌, పోసాని కృష్ణమురళి, అనీష్‌ కురువిళ్ళ, సప్తగిరి, రాజా రవీంద్ర, అజయ్‌ ఘోష్‌, అన్నపూర్ణ, సిరి, జయలక్ష్మి, సోనియా చౌదరి, సత్య, మధునందన్‌ ముఖ్యపాత్రలు పోషిస్తున్నారు.
