ఓ సినిమాకు సీక్వెల్ తీయడం ఎంతో కష్టమని , ఫ్రాంచైజీ చేయడం అంత ఈజీ కాదని ఇండియన్ సినిమా ఇండస్ట్రీలో టాప్ డైరెక్టర్ గా కొనసాగుతున్న రాజమౌళి అన్నారు. తాజాగా నాని నిర్మించిన ‘హిట్2’ ప్రీ రిలీజ్ ఈవెంట్ కి ముఖ్య అతిథిగా హాజరైన రాజమౌళి సీక్వెల్ గురించి ఇలా మాట్లాడాడు. హిట్ ఫ్రాంచైజ్ నుండి వచ్చే ప్రతీ సినిమా కోసం ప్రేక్షకులు ఎదురుచూస్తున్నారని అది చాలా గొప్ప విషయమని రాజమౌళి అన్నారు. అంతే కాదు నాని అండ్ టీం కలిసి హిట్ సిరీస్ ను ఇలానే కంటిన్యూ చేయాలని , ప్రతీ ఏడాది ఒకే సీజన్ లో ఇలానే హిట్ సిరీస్ నుండి ఒక్కో కేస్ వచ్చేలా ప్లాన్ చేయాలని డిమాండ్ చేశారు.
ఇక అమెరికా పర్యటన ముగించుకొని ఇండియా వచ్చిన రాజమౌళి నాని రిక్వెస్ట్ తో వచ్చిన రోజే హిట్2 ఈవెంట్ కి ఎటెండ్ అయ్యారు. మైక్ పట్టుకోగానే ఇన్ని రోజులు ఇంగ్లీష్ లో మాట్లాడి మాట్లాడి ఇప్పుడు తెలుగులో మాట్లాడుతుంటే సంతోషంగా ఉందని అన్నారు. ఏదేమైనా హిట్ ఈవెంట్ కి విచ్చేసి ఈ కేస్ 2 పై అంచనాలు పెంచేశారు రాజమౌళి. ట్రైలర్ లో శేష్ చెప్పిన డైలాగ్ , బ్యాక్ గ్రౌండ్ స్కోర్ బాగా నచ్చాయని తెలిపారు.
మరి జక్కన్న రిక్వెస్ట్ ప్లస్ డిమాండ్ తీసుకొని నాని, శైలేష్ కొలను ప్రతీ ఏడాది ఇదే సీజన్ కి హిట్ సిరీస్ రిలీజ్ చేస్తారా ? చూడాలి. ప్రస్తుతానికి హిట్3 కి సంబంధించి స్క్రిప్ట్ రెడీ అయింది. ఆ సినిమా త్వరలోనే సెట్స్ పైకి వెళ్లనుంది.
ఇవి కూడా చదవండి..
