రాకింగ్ స్టార్ మంచు మనోజ్ ఎల్.టి.టి.ఈ మిలిటెంట్ చీఫ్ ప్రభాకరన్ గా, బాధ్యత గల యువ విద్యార్ధిగా ద్విపాత్రాభినయం చేస్తున్న చిత్రం “ఒక్కడు మిగిలాడు”. అజయ్ ఆండ్రూస్ నూతక్కి దర్శకత్వంలో తెరకెక్కుతున్న ఈ చిత్రాన్ని పద్మజ ఫిలిమ్స్-న్యూ ఎంపైర్ సెల్యులాయిడ్స్ పతాకాలపై ఎస్.ఎన్.రెడ్డి-లక్ష్మీకాంత్ లు సంయుక్తంగా నిర్మిస్తున్నారు.
సెప్టెంబర్ 8న ప్రేక్షకుల ముందుకు రానున్న సినిమాపై భారీ అంచనాలు నెలకొన్నాయి. తెలుగు, తమిళ భాషల్లో విడుదల కానున్న ఈ చిత్రం ట్రైలర్ ఇటీవలే విడుదలైంది.ఇందులోని యుద్ధ సన్నివేశాలు ఆకట్టుకునేలా ఉన్నాయి.
భారతదేశంలో ఇంకా స్వాతంత్ర్య పోరాటం కొనసాగుతూ ఉంటే అల్లూరి, భగత్‌సింగ్, రాజ్‌గురు, సుఖదేవ్‌లను మీరు ఏమని పిలుచుకునేవారు? తీవ్రవాదులనా..? లేక దేశభక్తులనా..? డైలాగ్‌తో మొదలై దేశం వర్ధిల్లాలి అంటూ ముగుస్తుంది ట్రైలర్.ఫస్ట్ టైమ్ సీరియస్ డైలాగ్స్, సీరియస్ యాక్షన్‌తో ఓ కొత్త లుక్‌లో మనోజ్ ఆకట్టుకున్నాడు. ఈ సినిమా కోసం మనోజ్ కేవలం నెలల వ్యవధిలో 15 కేజీల బరువు తగ్గాడు.
మంచు మనోజ్, అనీషా ఆంబ్రోస్, మిలింద్ గునాజీ, పోసాని, సుహాసిని, సూర్య, బెనర్జీ, జెన్నిఫర్ తదితరులు ముఖ్యపాత్రలు పోషిస్తున్న ఈ చిత్రానికి కళ: పి.ఎస్.వర్మ, సినిమాటోగ్రాఫర్: వి.కోదండ రామరాజు, ఎడిటర్: కార్తీక శ్రీనివాస్, స్క్రీన్ ప్లే: గోపీమోహన్, సంగీతం: శివ నందిగామ, నిర్మాత: ఎస్.ఎన్.రెడ్డి-లక్ష్మీకాంత్, దర్శకత్వం: అజయ్ ఆండ్రూస్ నూతక్కి!
