దర్శకుడు వంశీ పైడిపల్లి సతీమణి మాలిని పుట్టినరోజు వేడుకలో సందడి చేశారు సూపర్‌స్టార్‌ మహేశ్ బాబు, యంగ్‌ టైగర్‌ ఎన్టీఆర్. తన భార్య పుట్టినరోజు సందర్భంగా పార్టీ ఏర్పాటుచేసిన పార్టీకి కుటుంబ సభ్యులతో సహా హాజరయ్యారు మహేశ్,తారక్ . ఈ సందర్భంగా అందరూ కలిసి దిగిన ఫొటోను మహేశ్,నమ్రతా ఇన్‌స్టాగ్రామ్‌లో పోస్ట్‌ చేశారు. పార్టీలో బాగా సందడి చేశాం. హ్యాపీ బర్త్‌డే మాలిని అని క్యాప్షన్‌ ఇచ్చారు.
మరోపక్క తారక్.. రాజమౌళి తెరకెక్కిస్తున్న ‘ఆర్ ఆర్ ఆర్’ చిత్రీకరణతో బిజీగా ఉన్నారు. రామ్‌చరణ్‌ కాలికి స్వల్ప గాయం కావడంతో పుణెలో జరగాల్సిన షెడ్యూల్‌ను వాయిదా వేశారు. దీంతో కాస్త విరామం దొరకడంతో వంశీ ఇచ్చిన పార్టీకి హాజరయ్యారు తారక్.
మహేష్‌బాబు, తారక్ మరోసారి కలిసి పార్టీలో పాల్గొనడంతో అభిమానులు ఆనందం వ్యక్తం చేస్తున్నారు. గత జూలైలో కూడా వంశీ పుట్టినరోజు వేడుకలో మహేష్‌బాబు, ఎన్టీఆర్ తోపాటు రామ్ చరణ్ కూడా ఉన్నారు. గాయం కారణంగా ఈసారి చరణ్ హాజరుకాలేదు.
ప్రస్తుతం వంశీ దర్శకత్వం వహిస్తున్న ‘మహర్షి’ చిత్రంలో మహేశ్ నటిస్తున్న సంగతి తెలిసిందే. పూజా హెగ్డే కథానాయిక. ఉగాది కానుకగా విడుదల చేసిన టీజర్‌ టాలీవుడ్‌లో సరికొత్త ట్రెండ్ సృష్టించింది. తక్కువ టైంలో 10 మిలియన్ల వ్యూస్‌ నుంచి 12 మిలియన్ల వ్యూస్‌కు చేరిన టీజర్‌గానూ రికార్డు సృష్టించింది. మే 9న సినిమా ప్రపంచవ్యాప్తంగా ప్రేక్షకుల ముందుకు రాబోతోంది.
