కరోనా వైరస్ ప్రపంచదేశాలను వణికిస్తుంది. ఇప్పటికే ఈవ్యాధి వల్ల 8వేల మంది మరణించగా లక్షకు పైగా ఈ వ్యాధితో బాధపడుతున్నారు. ఇటీవల ఇండియాకు కూడా వచ్చిన ఈ మహమ్మారి ఇప్పటికే 114మందికి సోకింది. ఇప్పటివరకు ఇండియాలో 2ఇద్దరు మృతి చెందారు. ఈ క్రమంలోనే కేంద్ర ప్రభుత్వం.. రాష్ట్ర ప్రభుత్వాలు కూడా తగిన చర్యలు తీసుకుంటున్నాయి. ఇప్పటికే విద్యాసంస్ధలు, థియేటర్లు, ఫంక్షన్ హాళ్లు మూసివేసిన సంగతి తెలిసిందే. ఇక సినిమా హీరోలు కూడా కరోనా వైరస్ గురించి ప్రజల్లో అవగాహన కల్గిస్తున్నారు.
ఇటివలే విజయ్ దేవరకొండతో తెలంగాణ ప్రభుత్వం ఓ యాడ్ చెయించిన సంగతి తెలిసిందే. తాజాగా ఆర్ఆర్ఆర్ హీరోలు రామ్ చరణ్, ఎన్టీఆర్ లు కరోనా వైరస్ గురించి తీసుకోవాల్సిన జాగ్రత్తల గురించి చెప్పారు. వరల్డ్ హెల్త్ ఆర్గనైజేషన్ సూచించిన ఆరు సూత్రాలను ప్రజలందరూ పాటించాలంటూ వారు వీడియోలో ప్రజలను విజ్ఞప్తి చేశారు. సోషల్ మీడియాలో వచ్చే రూమర్స్ ని నమ్మవద్దని, కోవిడ్ మీద గవర్నమెంట్ ఇచ్చే సలహాలు,సూచనలను అందరు పాటించాలని కోరారు.
The world is going through one of its hardest times. The only way to get past #COVID19 is not panicking and spreading awareness.
Stay Hygienic. Stay Safe! pic.twitter.com/UMHnLmdkA8
— RRR Movie (@RRRMovie) March 16, 2020
