తాను మూడు రోజులు ఢిల్లీలో ఉంటే అలర్జీ గొంతు నొప్పి వచ్చాయని, రవాణా రంగం వల్లే 40 శాతం కాలుష్యం జరుగుతుందని వ్యాఖ్యానించారు కేంద్ర మంత్రి నితిన్ గడ్కరీ. రాజధాని ఢిల్లీ–ఎన్సీఆర్లో ఎప్పటికీ తగ్గని గాలి కాలుష్య సమస్యపై కేంద్ర రవాణా శాఖ మంత్రి నితిన్ గడ్కరీ ఆందోళన వ్యక్తం చేశారు. తాను ఢిల్లీలో మూడు రోజులు మాత్రమే ఉంటేనే కాలుష్యం కారణంగా నాకు అలర్జీలు వస్తున్నాయి అని అన్నారు.
ఫాసిల్ ఇంధనాలపై ఆధారాన్ని తగ్గించాల్సిన అత్యవసర అవసరం ఉందని గడ్కరీ నొక్కి చెప్పారు. ఇది ఎలాంటి జాతీయత? ఫాసిల్ ఇంధనాలు పరిమితమైనవి, కాలుష్యం పెరుగుతోంది. వాటి వినియోగాన్ని ఎందుకు తగ్గించలేం? శూన్య కాలుష్యానికి దారి తీసే ఎలక్ట్రిక్ వాహనాలు, హైడ్రజన్ వాహనాలను ఎందుకు ప్రోత్సహించకూడదు?” అని ప్రశ్నించారు. భారత్ ఫాసిల్ ఇంధనాలపై సంవత్సరానికి సుమారు రూ.22 లక్షల కోట్లు ఖర్చు చేస్తున్నదని ఆయన గుర్తుచేశారు.
తన వద్ద ఉన్న ఎథనాల్తో నడిచే ఫ్లెక్స్-ఫ్యూయల్ వాహనం గురించి కూడా గడ్కరీ ప్రస్తావించారు. ఇది కాలుష్యాన్ని తగ్గించడంతో పాటు దిగుమతి ఇంధనాలపై ఆధారాన్ని కూడా తగ్గిస్తుందని ఆయన చెప్పారు.
గడ్కరీ ఢిల్లీ కాలుష్యంపై వ్యాఖ్యలు చేయడం ఇదే తొలిసారి కాదు. గత ఏడాది డిసెంబర్లో కూడా ఢిల్లీకి రావాలా వద్దా అని ప్రతిసారి ఆలోచిస్తాను. అంత భయంకరంగా కాలుష్యం ఉంటుంది అని ఆయన వ్యాఖ్యానించారు.
Also Read:మైనర్ బాలిక రేప్ కేసు..బీజేపీ నేతకి బెయిల్