నిఖిల్, లావ‌ణ్య త్రిపాఠి జంట‌గా న‌టిస్తున్న యాక్ష‌న్ థ్రిల్ల‌ర్ ముద్ర. శరవేగంగా షూటింగ్ జరుపుకుంటున్న ఈ చిత్రం డిసెంబర్ 28న ప్రేక్షకుల ముందుకురానుంది. వాస్త‌విక సంఘ‌ట‌న‌ల ఆధారంగా జ‌ర్న‌లిజం నేప‌థ్యంలో తెర‌కెక్కుతోంది. ఈ సినిమా కోసం తన పాత్రకు తానే డబ్బింగ్ చెబుతున్న నిఖిల్ రీసెంట్‌గా వచ్చిన కిరాక్ పార్టీ మూవీ ఫ్లాపవడంతో ఈ సినిమాపై భారీ ఆశలు పెట్టుకున్నాడు.
ఈ సినిమాలో నిఖిల్ జర్నలిస్ట్ పాత్రలో నటిస్తున్నారు. స‌మాజంలో జ‌రుగుతున్న కొన్ని విష‌యాల‌ను ఎలా మీడియా ప‌రిష్క‌రిస్తుంది.. అందులో మీడియా బాధ్య‌త‌ను గుర్తు చేసే జర్నలిస్ట్‌గా నిఖిల్ అదరగొట్టాడని తెలిపారు దర్శకుడు టిఎన్ సంతోష్.
ఈ చిత్రంలో వెన్నెల కిషోర్, పోసాని కృష్ణ‌ముర‌ళి, నాగినీడు, ప్ర‌గ‌తి, స‌త్య, త‌రుణ్ అరోరా మ‌రియు రాజా ర‌వీంద్ర ఇత‌ర ప్ర‌ధాన పాత్ర‌ల్లో నటిస్తున్నారు. స్యామ్ సిఎస్ ఈ చిత్రానికి సంగీతం అందిస్తున్నారు. ఔరా సినిమాస్ పివిటి మ‌రియు మూవీ డైన‌మిక్స్ ఎల్ఎల్‌పి సంస్థ‌ల‌పై కావ్య వేణుగోపాల్, రాజ్ కుమార్ ముద్ర సినిమాను నిర్మిస్తున్నారు. బి మ‌ధు సమర్పిస్తున్నారు.
