మెగాస్టార్ చిరంజీవి హీరోగా మెహర్ రమేష్ దర్శకత్వంలో తెరకెక్కుతోన్న ‘భోళాశంకర్’ సినిమా నుంచి ఈరోజు సాయంత్రం 4.05 గంటలకు అప్డేట్ రానుంది. ఈ సినిమాలోని ‘భోళా మానియా’ సాంగ్ ప్రోమోను రిలీజ్ చేయనున్నట్లు మేకర్స్ ప్రకటించారు. దీంతోపాటు ఫుల్ సాంగ్‌ను ఈనెల 4న రిలీజ్ చేస్తామని తెలిపారు. ‘భోళా శంకర్’ సినిమా ఆగస్టు 11న రిలీజ్ కానుంది. ఈ క్రమంలో ఫ్యాన్స్ ‘వెయిటింగ్’ అంటూ ట్వీట్స్ చేస్తున్నారు. ఇక ప్రస్తుతానికి మెగాస్టార్ భోళా శంకర్ చిత్రం షూటింగ్ లో బిజీగా ఉన్నారు. ఈ సినిమాలో హీరో సుశాంత్ కీలక పాత్ర పోషిస్తున్నారు. చిరంజీవి సోదరిగా నటిస్తున్న కీర్తి సురేశ్‌కు ప్రియుడిగా సుశాంత్ గెస్ట్ రోల్ చేస్తున్నాడు.
ప్రస్తుతం ఈ సినిమాకే మెగాస్టార్ ఎక్కువ సమయాన్ని కేటాయిస్తున్నారు. ఈ సినిమాలో మెగాస్టార్ పాత్రలో రెండు షేడ్స్ ఉంటాయి. సినిమాలోనే ఈ షేడ్స్ హైలైట్ గా నిలుస్తాయని తెలుస్తోంది. ఈ సినిమాలో దర్శకుడు మెహర్ రమేష్ రెండు మాస్ ట్రాక్ లు యాడ్ చేశారు. మాస్ ఎలివేషన్లను మెహర్ రమేష్ చాలా బాగా హ్యాండిల్ చేస్తాడు. పైగా మాస్ ఎలివేషన్లలో మెగాస్టార్ చిరంజీవి కూడా అదిరిపోతారు. మొత్తానికి సిస్టర్ సెంటిమెంట్ తో పాటు భారీ యాక్షన్ టచ్ తో ఈ ‘భోళా శంకర్’ రాబోతున్నాడు. మరి ఈ ‘భోళా శంకర్’ సినిమా ఎలా ఉంటుందో చూడాలి. మెగా ఫ్యాన్స్ ఐతే, ఈ సినిమా పై భారీ అంచనాలు పెట్టుకున్నారు. అన్నట్టు చిరు కెరీర్ లో ఈ సినిమా మరో ఫ్యామిలీ ఎంటర్టైనర్ అని తెలుస్తోంది.
Also Read: “పుష్ప 2” కోసం అక్కడ ఎగబడుతున్నారు ?
