నేచురల్ స్టార్ నాని ప్రస్తుతం వి సినిమాలో నటిస్తున్నాడు. మోహనకృష్ణ ఇంద్రగంటి దర్శకత్వం వహిస్తున్న ఈసినిమాలో సుధీర్ బాబు, నాని లు హీరోలుగా నటిస్తున్నారు. నివేధా ధామస్, అధితి రావ్ హైదరిలు హీరోయిన్లుగా నటిస్తున్నారు. దిల్ రాజు నిర్మాతగా వ్యవహరిస్తున్న ఈచిత్రం షూటింగ్ ఇటివలే పూర్తి చేసుకుంది. మర్చి 25న ప్రేక్షకుల ముందుకు రానుంది. ఇటివలే విడుదలైన ఈమూవీ టీజర్ కు అద్బుతమైన స్పందన వస్తుంది. ఈమూవీ తర్వాత నాని శివ నిర్వాణ దర్శకత్వంలో సినిమా చేయనున్నాడు.
ఈమూవీకి టక్ జగదీష్ అనే టైటిల్ ను ఖరారు చేశారు. ప్రస్తుతం ఈమూవీ షూటింగ్ పొలాచ్చిలో జరుగుతుంది. మరో వారం రోజుల పాటు అక్కడ ఈమూవీ షూటింగ్ జరుగనుంది. ఈమూవీలో నాని సరసన రీతూ వర్మ, ఐశ్వర్య రాజేశ్ నటించనున్నారు. కాగా నాని శివ నిర్వాణ కాంబినేషన్ లో తెరకెక్కిన నిన్ను కోరి సినిమా మంచి విజయాన్ని సాధించింది. మరోసారి వీరిద్దరి కాంబినేషన్ లో సినిమా తెరకెక్కనుండటంతో భారీ అంచనాలు నెలకొన్నాయి.
