నాని ‘శ్యామ్ సింగరాయ్’ ప్రారంభం..

నాని, సాయిపల్లవి, కృతిశెట్టి ప్రధాన పాత్రల్లో నటిస్తున్న చిత్రం శ్యామ్ సింగరాయ్. ట్యాక్సీవాలా ఫేమ్ రాహుల్ సాంకృత్యన్ దర్శకత్వం వహిస్తున్న ఈ చిత్రం నేడు హైదరాబాదులో పూజా కార్యక్రమాలు జరుపుకుంది. ఈ సందర్భంగా నాని తండ్రి ఘంటా రాంబాబు..నాని, కృతిశెట్టి, సాయిప‌ల్ల‌విపై ముహూర్త‌పు స‌న్నివేశానికి క్లాప్ కొట్టాడ‌రు. మేర్ల‌పాక గాంధీ కెమెరా స్విఛాన్ చేయ‌గా..అనిల్ రావిపూడి గౌర‌వ ద‌ర్శ‌క‌త్వం వ‌హించాడు. శివ‌నిర్వాణ‌, వెంకీ కుడుముల స్క్రిప్ట్ ను నిర్మాత‌కు అంద‌జేశారు. నిహారిక ఎంట‌ర్ టైన్ మెంట్ బ్యాన‌ర్ పై వెంక‌ట్ ఎస్ బోయిన‌ప‌ల్లి ఈ చిత్రాన్ని నిర్మిస్తున్నారు.

ఇకపై ఈ చిత్రం రెగ్యులర్ గా షూటింగ్ జరుపుకోనుంది. పలు భాషల్లో తెరకెక్కుతున్న ఈ చిత్రానికి మిక్కీ జే మేయర్ సంగీతం అందిస్తున్నారు. మ‌‌డోన్నా సెబాస్టియ‌న్, రాహుల్ ర‌వీంద్ర‌న్‌, ముర‌ళీ శ‌ర్మ ఇత‌ర కీల‌క పాత్ర‌లు పోషిస్తున్నారు. కోల్‌క‌తా బ్యాక్ డ్రాప్ లో సాగే ఈ సినిమాకు సంబంధించి టైటిల్‌, కాన్సెప్ట్ పోస్ట‌ర్ ను ఇప్ప‌టికే విడుద‌ల చేశారు. స‌రికొత్త ఉన్న పోస్ట‌ర్లు సినిమాపై ఆస‌క్తిని రేకెత్తిస్తున్నాయి.