ఇప్పుడు అన్ని ఏరియాల్లో దుమ్ముదులిపేస్తున్న మూవీ ‘నేను లోకల్’. ఇందులో హీరోగా నటించిన నాని గురించి ప్రత్యేకంగా చెప్పాల్సిన పనిలేదు. నాచురల్‌ స్టార్ గా తన సత్తా చాటుకుంటూ సినిమా సినిమాకి ప్రేక్షకులకు మరింత దగ్గరవుతున్నాడు నాని. ఈ ఏడాదిలో ఏ హీరో కూడా చేయనంత స్పీడ్‌ గా తన సినిమాలను కంప్లీట్ చేసుకుంటూ పోతున్నాడు ఈ నాచురల్‌ స్టార్.
‘నేను లోకల్’ తర్వాత నాని నెక్ట్స్‌ సినిమా ఏంటి అని ఆలోచించేలోపే తన నెక్ట్స్‌ సినిమాలో బిజీ అయిపోయాడు ఈ హీరో. ప్రస్తుతం శివ నిర్వాణను దర్శకుడిగా పరిచయం చేస్తూ నాని కొత్త సినిమా షూటింగ్ మొదలుపెట్టేశాడు. ఇప్పుడు ఈ సినిమా షూటింగ్ అమెరికాలో శరవేగంగా జరుగుతోంది. మరి ఈ సినిమా ఎలా ఉండబోతోంది? ఈ సినిమాకి ఎలాంటి టైటిల్ పెట్టారు ? అనేగా మీ అనుమానం!
ఈ సినిమాకి ఎలాంటి టైటిల్ పెట్టాలనే ఆలోచిస్తున్నారట ఈ చిత్ర టీమ్‌. దీనికి ‘మాస్ హీరో’ అనే టైటిల్ ని పరిశీలిస్తున్నారని తెలుస్తోంది. సింపుల్ స్క్రిప్టులతో డీసెంట్ హిట్స్ కొట్టే నాని సత్తాని ..’నేను లోకల్’ ప్రూవ్ చేసింది. అయితే దీనికి ప్రధాన కారణం గతంలో నాని సినిమాల టైటిల్స్ క్లాస్ టచ్ తో ఉంటే.. నేను లోకల్ మాత్రం నాని మాస్ లుక్ ఇచ్చేసింది. ఈ సినిమాకి భారీ వసూళ్లు రావడంలో ఇది కూడా ఒక రీజన్ అనే చెప్పాలి.
ఇప్పటికే చాలా టైటిల్స్ అనుకున్నా, మాస్ హీరో అయితేనే సరిగ్గా సెట్ అవుతుందని ఈ చిత్ర టీమ్‌ భావిస్తోందట. పైగా మాస్ టచ్ ఉంటేనే బాగుంటుందని, అదే కోవకి చెందిన ‘నేను లోకల్’ ఏ రేంజ్ లో హిట్ అయిందో చూశాక.. ‘మాస్ హీరో’ టైటిల్ పై మరింతగా మక్కువ పెరిగిందని తెలుస్తోంది. కానీ ఇంకా అఫీషియల్ గా మాత్రం టైటిల్ ను అనౌన్స్‌ చేయకపోయినా.. దాదాపు ఇదే ఫిక్స్ అయ్యారట. ఈ సినిమా నిర్మాత డీవీవీ దానయ్య కూడా మాస్ హీరోకి ఓకే చెప్పేశాడని టాక్.
