తెలుగు చిత్రసీమలో ఎలాంటి బ్యాక్‌గ్రౌండ్ లేకుండా నిలదొక్కుకున్న హీరోల్లో నాని ఒకరు. నాని సినిమా వస్తుందంటే అందులో ఏదో ఒక కొత్తదనం ఉంటుందనే నమ్మకం ప్రేక్షకుల్లో ఉంటుంది. పాత్ర ఏదైనా అందులో వందశాతం ఇమిడిపోవడానికి ప్రయత్నిస్తుంటారు. అదే నానికి ఇండస్ట్రీతో పాటు ప్రేక్షకుల్లో మంచి గుర్తింపు తెచ్చిపెట్టింది. వరుస ఐదు సక్సెస్ సినిమాల తర్వాత నాని నటించిన లేటెస్ట్ సెన్సేషన్ నేను లోకల్. అంచనాలను మించి ప్రేక్షకులను ఆకట్టుకున్న నేను లోకల్ తెలుగు రాష్ట్రాల్లోనే కాదు అమెరికాలో సైతం రికార్డు కలెక్షన్లు సాధిస్తోంది.
తొలి రోజు రెండు తెలుగు రాష్ట్రాల్లో రూ.4.8 కోట్ల షేర్ రాబట్టి ఆశ్చర్యపరిచిన ‘నేను లోకల్’ రెండో రోజు కూడా మంచి వసూళ్లే రాబట్టింది. రూ.3.13 కోట్ల షేర్ సాధించింది. మొత్తం రెండు రోజుల్లో తెలుగు రాష్ట్రాల వరకే ఈ చిత్రం రూ.7.54 కోట్ల షేర్ తెచ్చుకుంది. వరల్డ్ వైడ్ ఫస్ట్ వీకెండ్ షేర్ రూ.15 కోట్లను దాటుతుందని అంచనా. నైజాం ఏరియాలో మాత్రమే రెండు రోజుల షేర్ రూ.3 కోట్లకు చేరువగా ఉండటం విశేషం. అమెరికాలో ఆల్రెడీ ఈ సినిమా హాఫ్ మిలియన్ మార్కును దాటేసి దూసుకెళ్తోంది.
నైజాం-2.92 కోట్లు
సీడెడ్-రూ.99.5 లక్షలు
నెల్లూరు- రూ.24.2 లక్షలు
గుంటూరు- రూ.62.2 లక్షలు
కృష్ణా- రూ.53.4 లక్షలు
తూర్పు గోదావరి- రూ.81 లక్షలు
పశ్చిమ గోదావరి- రూ.46.5 లక్షలు
ఉత్తరాంధ్ర- రూ.95 లక్షలు
మొత్తం ఏపీ-తెలంగాణ రెండు రోజుల షేర్- రూ.7.54 కోట్లు
నాని కెరీర్ లో ఇప్పటివరకూ ఇదే బిగ్గెస్ట్ ఓపెనింగ్ కావడం విశేషం. నాని-కీర్తి సురేష్ రొమాంటిక్ ఫీల్‌ను ప్రేక్ష‌కులు బాగా ఎంజాయ్ చేస్తున్నారు.
