ఏప్రిల్ 17న సాగర్ ఉప ఎన్నికల పోలింగ్…

అంతా ఎప్పుడెప్పుడా అని ఎదురుచూస్తున్న నాగార్జునసాగర్ ఉప ఎన్నికల షెడ్యూల్ విడుదలైంది. ఈ మేరకు కేంద్ర ఎన్నికల సంఘం షెడ్యూల్‌ని విడుదల చేసింది. ఈ నెల 23న ఎన్నికల నోటిఫికేషన్‌ విడుదల కానుండగా ఏప్రిల్ 17న పోలింగ్ జరగనుంది.

మార్చి 30 వరకు నామినేషన్లు స్వీకరణ.. 31న నామినేషన్ల పరిశీలన ఉంటుందని తెలిపింది. ఏప్రిల్‌ 3 వరకు నామినేషన్ల ఉపసంహరణ గడువు విధించగా మే 2న ఓట్ల లెక్కింపు ఉంటుంది. ఏప్రిల్‌ 17న తిరుపతి లోక్‌సభ స్థానానికి సైతం ఎన్నికల నిర్వహించనున్నట్లు కేంద్ర ఎన్నికల సంఘం తెలిపింది.