బాలీవుడ్‌లో భారీ బడ్జెట్‌తో తెరకెక్కుతున్న చిత్రం ‘బ్రహ్మాస్త్రం’. ఆలియాభట్‌, రణ్‌బీర్‌ కపూర్ హీరో హీరోయిన్లుగా నటిస్తున్నారు. ఇందులో బిగ్‌ బీ అమితాబ్‌ బచ్చన్‌, కింగ్ నాగార్జున కీలక పాత్రధారులు పోషించారు. ఆయాన్‌ ముఖర్జీ దర్శకత్వంలో ఫాంటసీ అడ్వెంచర్‌గా రూపొందుతున్న ఈ చిత్రాన్ని మూడు భాగాలుగా తెరకెక్కిస్తున్నారు. మొదటి భాగం ‘బ్రహ్మాస్త్రం:శివ’ పేరుతో తెలుగులో విడుదల కానుంది. ఎస్‌ఎస్‌ రాజమౌళి సమర్పిస్తున్న ఈ చిత్రం ట్రైలర్‌ను ఈ నెల 15న, సెప్టెంబర్‌ 9న సినిమాను ప్రపంచవ్యాప్తంగా విడుదల చేయడానికి సన్నాహాలు చేస్తున్నారు.
ఈ నేపథ్యంలో తాజాగా కింగ్ నాగార్జున పాత్రను రివీల్‌ చేస్తు మేకర్స్‌ కొత్త పోస్టర్‌ను ఈరోజు విడుదల చేశారు. ‘నంది అస్త్ర’ అనే శక్తి గల అనీశ్‌ పాత్రలో నాగ్‌ నటించారు. నాగార్జున తన పాత్రకు సంబంధించిన పోస్టర్‌ను ట్విట్టర్‌ వేదికగా విడుదల చేశారు. ‘‘ఈ చిత్రంలో నన్నూ భాగం చేసిన అయాన్‌కు కృతజ్ఞతలు’’ అని నాగార్జున పేర్కొన్నారు. కాగా, ఈ మూవీని హీరో రణ్ బీర్ కపూర్ అయాన్ ముఖర్జీ అపూర్వ మెహతా యష్ హీరూ జోహార్ లతో కలిసి బాలీవుడ్ క్రేజీ డైరెక్టర్ కమ్ ప్రొడ్యూసర్ కరన్ జోహార్ నిర్మిస్తున్నారు.
