ఇండో అమెరికన్ ఆర్ట్స్ పతాకంపై కె ఎస్ రామారావు గారి సమర్పణలో అమెజాన్ ప్రైమ్ లో బ్లాక్ బస్టర్ గా నిలిచిన ఫ్యామిలీ మాన్ ఫేమ్ అశ్లేష ఠాకూర్ ప్రధాన పాత్రలో నీహల్ హీరోగా త్రివిక్రమ్ శేషు దర్శకత్వం లో డాక్టర్ ఇర్రంకి సురేష్ నిర్మించిన పీరియడ్ చిత్రం శాంతల. ఈ చిత్రం యొక్క రెండో పాట చెలి మొహమే పాటను హీరో కింగ్ నాగార్జున గారు విడుదల చేశారు. పాటను వీక్షించి నాగార్జున గారు తన శుభాకాంక్షలు తెలియజేశారు.
ఈ సందర్భంగా చిత్ర యూనిట్ సభ్యులు మాట్లాడుతూ మా శాంతల చిత్రం లోని రెండో పాటని హీరో కింగ్ నాగార్జున గారు విడుదల చేయడం చాలా సంతోషంగా ఉందని తెలిపారు. చెలి మొహమే పాటను ఎస్ పి బి చరణ్ పాడారు. కృష్ణ కాంత్ సాహిత్యం అందించారు. మా చిత్రం లోని పాటలని ఆదిత్య మ్యూజిక్ ద్వారా విడుదల అయ్యాయని చెప్పారు.
హళిబేడు, బేలూరులలో జరిగిన ఒక యదార్ధ కథ ఆధారంగా శాంతల చిత్రం చిత్రీకరించాం. నవంబర్ 17 తారీకు న విడుదల అవుతుంది అని తెలియజేశారు.సీతారామం వంటి సూపర్ డూపర్ హిట్ చిత్రానికి సంచలన సంగీతం సమకూర్చిన విశాల్ చంద్రశేఖర్ శాంతల చిత్రానికి సంగీతం అందించారన్నారు.
Also Read:KCR:తెలంగాణలో శాశ్వతంగా కరెంట్ సమస్య ఉండదు
