షూటింగ్ పూర్తి చేసుకున్న ఆఫీస‌ర్ ..

నాగార్జున హీరోగా సెన్సెష‌న‌ల్ డైరెక్ట‌ర్ రామ్ గోపాల్ వ‌ర్మ ద‌ర్శ‌క‌త్వంలో తెర‌కెక్కుతున్న‌ చిత్రం ఆఫీస‌ర్. గ‌తంలో వీరిద్ద‌రి కాంబినేష‌న్‌లో వ‌చ్చిన చిత్రం శివ‌. ఈ సినిమా సృష్టించిన సంచల‌నం గురించి అంద‌రికి తెలిసిందే. మ‌ళ్లీ వీరిద్ద‌రి కాంబినేష‌న‌ల్ వ‌స్తున్న ఈ సినిమాపై భారీ అంచ‌నాలే ఉన్నాయి. ఇక అసలు విష‌యానికొస్తే ఈ సినిమాకు సంబంధించిన చిత్రీక‌ర‌ణ ఈ రోజుతో పూర్తిచేసుకుంది.

ముంబై మాఫియా నేప‌ధ్యంలో ఈ సినిమా తెర‌కెక్కుతుంది. ఇందులో హీరోయిన్‌గా మైరా సరీన్ నటిస్తుండ‌గా ఈమె తొలిసారిగా తెలుగు తెర‌కు ప‌రిచయం కాబోతుంది. ఇక ఈ సినిమాలో నాగార్జున ప‌వ‌ర్ ఫుల్ పోలీస్ ఆఫీస‌ర్ గా ద‌ర్శ‌న‌మివ్వ‌నున్నాడు. గ‌తంలో శివ‌మ‌ణి సినిమాలో పోలీస్ ఆఫీస‌ర్ గా క‌నిపించిన సంగ‌తి తెలిసిందే. ఈ సినిమాలో కూడా అదే పాత్రలో క‌నిపించ‌నున్నాడు నాగ్. ఈ సినిమా క‌థ విష‌యానికొస్తే త‌న ఇద్ద‌రి కూతుళ్ల‌ను ఓ గ్యాంగ్ కిడ్నాప్ చేస్తుంద‌ట‌. వారి నుంచి త‌న కూతుళ్ల‌ను ఎలా ఎలా కాపాడుకున్నాడనేదే ఈ సినిమా క‌థ‌. షూటింగ్ పూర్తి చేసుకున్న ఈ చిత్రం త్వ‌ర‌లో విడుద‌ల‌కు సిద్ద‌మైంది.