వివాదస్పద వర్మ దర్శకత్వంలో కాలేజ్ స్టూడెంట్‌గా నాగార్జున నటించిన శివ సినిమా ఎంత భారీ హిట్ సాధించిందో అందరికీ తెలిసిందే. ట్రెండ్ సెట్టర్‌గా నిలిచిన ఈ సినిమా టాలీవుడ్‌లో సరికొత్త రికార్డులను సృష్టించింది. దాదాపు పాతికేళ్ల తర్వాత మరోసారి వీరిద్దరి కాంబినేషన్‌లో సినిమా తెరకెక్కబోతోంది.
అయితే, ఈ సినిమా ఎప్పుడు పట్టాలెక్కబోతుందో వెల్లడించాడు కింగ్ నాగార్జున. చైతూ, సమంత వివాహం, రాజుగారి గది-2 విజయం సాధించడంతో అక్కినేని నాగార్జున ఆనందంలో మునిగితేలుతున్నారు. అందుకే కొన్ని రోజుల పాటు కుటుంబంతో సరదాగా విహారయాత్రకు వెళ్లాలనుకుంటున్నారట.
విహారయాత్ర నుంచి వచ్చాకే వర్మతో సినిమా మొదలుపెడతానని నాగ్ ఓ ఇంటర్వ్యూలో పేర్కొన్నారు. యాక్షన్ నేపథ్యంగా సాగే ఈ చిత్రాన్ని భారీ బడ్జెట్‌తో తెరకెక్కిస్తున్నట్లు చెప్పిన నాగ్ అన్నపూర్ణ బ్యానర్‌పైనే సినిమా తీస్తున్నట్లు తెలిపారు. వర్మ నాకు ఓ మంచి కథ వినిపించారని చెప్పారు.
ప్రస్తుతం వర్మ ఎన్టీఆర్‌ జీవిత చరిత్ర ఆధారంగా తెరకెక్కుతున్న ‘లక్ష్మీస్‌ ఎన్టీఆర్‌’ సినిమాతో బిజీగా ఉన్నారు. ఈ సినిమా చిత్రీకరణ ఫిబ్రవరిలో మొదలుకానుంది. అక్టోబర్‌లో సినిమాను విడుదల చేసేందుకు సన్నాహాలు చేస్తున్నారు. మరి నాగ్‌తో తీయబోయే సినిమా ‘లక్ష్మీస్‌ ఎన్టీఆర్‌’ తర్వాత విడుదలవుతుందా లేక ముందే విడుదలచేస్తారా అన్నది తెలియాల్సి ఉంది.
. Upon release, Siva opened to rave reception from critics and audience alike, and went on to become a path-breaking film in Telugu.){kind=link}