ప్రేమమ్, సోగ్గాడే చిన్ని నాయన ఫేం కళ్యాణ్ కృష్ణ దర్శకత్వంలో రారండోయ్ వేడుకచూద్దాం సినిమా చేశాడు. చైతూ కెరీర్‌లో బిగ్గెస్ట్‌ హిట్‌గా నిలిచిందా సినిమా. ఆ తరువాతడెబ్యూ దర్శకుడు క్రిష్ణ ముత్తు దర్శకత్వంలో ఓ చిత్రాన్ని చేస్తున్నాడు నాగ చైతన్య. థ్రిల్లర్ మూవీగా రూపొందుతున్న ఈ చిత్రం లో లావణ్య త్రిపాఠి కథానాయికగా నటిస్తుంది. ఈ చిత్రాన్ని వారాహి చలన చిత్రం నిర్మిస్తుంది. ఈ మూవీ హైదరాబాద్ బ్యాక్ డ్రాప్ లో ఉంటుందని సమాచారం. తాజాగా ఈ చిత్ర ఫ‌స్ట్ లుక్ రివీల్ చేస్తూ టైటిల్ ఎనౌన్స్ చేశారు. యుద్ధం శ‌ర‌ణం అనే టైటిల్ తో ఈ మూవీ రూపొందుతుంది. నాగ చైతన్య కెరీర్ లో 14వ చిత్రంగా రూపొందుతున్న ఈ చిత్రం ఆగ‌స్ట్ లో విడుద‌ల కానుంది.
పూర్తి స్థాయి థ్రిల్లర్ గా ఉండనున్న ఈ చిత్రంలో హీరో శ్రీకాంత్ ప్రతి నాయకుడి పాత్ర పోషించాడు. రావు రమేష్, రేవతిలు పలు ప్రధాన పాత్రలు పోషిస్తున్నారు. వివేక్ సాగర్ సంగీతం అందిస్తున్న ఈ చిత్రానికి నికేత్ బొమ్మి సినిమాటోగ్రఫీ భాద్యతలు నిర్వహిస్తున్నారు.
