డీజే దువ్వాడ జగన్నాధం చిత్రం తర్వాత స్టైలిష్ స్టార్ అల్లు అర్జున్ నటిస్తున్న చిత్రం ‘నా పేరు సూర్య’. రైటర్ వక్కంతం వంశీ ఈ మూవీని తెరకెక్కిస్తున్నారు. ఈ మధ్యనే షూటింగ్ మొదలు పెట్టుకున్న ఈ చిత్రం ప్రస్తుతం రామోజీ ఫిలిం సిటీ లో షూటింగ్ జరుపుకుంటుంది. ప్రత్యేకమైన సెట్ లో మూవీకి సంబంధించి కీలకమైన యాక్షన్ సన్నివేశాలు తెరకెక్కిస్తున్నారు. రామ్-లక్ష్మణ్ ఆధ్వర్యంలో ఫైట్స్ కంపోజ్ చేస్తున్నారు.
నిజానికి ఈ సినిమా షెడ్యూల్ ను హిమాచల్ ప్రదేశ్, గుజరాత్, జమ్ము రాష్ట్రాల్లో ప్లాన్ చేశారు. మిలట్రీ బ్యాక్ డ్రాప్ లో వస్తున్న సినిమా కాబట్టి.. కథ ప్రకారం ఆ లొకేషన్లు అయితే బాగుంటుందని ఫిక్స్ అయ్యారు. కానీ ప్రస్తుతానికి ఆ షెడ్యూల్ ను పక్కనపెట్టి, రామోజీ ఫిలింసిటీలో షూటింగ్ చేస్తున్నారు.సీనియర్ నటుడు శరత్ కుమార్ ఈ మూవీ లో విలన్ గా కనిపించబోతున్నాడు. మరో కీలక పాత్రలో యాక్షన్ కింగ్ అర్జున్ నటిస్తున్నాడు. ఈ మూవీలో బన్నీ సరసన అను ఎమ్మాన్యుయేల్ హీరోయిన్ గా నటిస్తోంది. బాలీవుడ్ సంగీతదర్శక ద్వయం విశాల్-శేఖర్ ఈ సినిమాకు సంగీతం సమకూరుస్తున్నారు.
