తెలంగాణ అసోసియేషన్ ఆఫ్ యునైటెడ్ కింగ్డమ్ (TAUK – టాక్) లోగో ను హైదరాబాద్ లో ఎంపీ కవిత ఆవిష్కరించారు. లండన్ నుండి వచ్చిన టాక్ ప్రతినిధులు నర్రా సాయి, రాకేష్ రెడ్డి కీసర ఎంపీ కవిత కలిసి సంస్థ ఆశయాలను, బంగారు తెలంగాణ నిర్మాణం లో వారి పాత్ర గురించి వివరించారు. తెలంగాణ ఆడబిడ్డ కవిత చేతుల మీదగు లోగోను ఆవిష్కరించుకోవడం సంతోషంగా ఉందని, ఎప్పటికప్పుడు వారి సలహాలు సూచనలతో ముందుకు వెళ్తామని ఈ సందర్భంగా వారు తెలిపారు.
మమ్మల్ని ప్రోత్సహించి లోగోను ఆవిష్కరించినందుకు కవితకు కృతఙ్ఞతలు తెలిపారు. నూతనంగా ఏర్పడుతున్న సంస్థ యూకే లో నివసిస్తున్న తెలంగాణ బిడ్డల తో పాటు క్షేత్రస్థాయిలో కూడా మంచి సేవలందించాలని కవిత కోరారు. అలాగే సంస్థ కార్యవర్గ సభ్యులకు శుభాకాంక్షలు తెలిపారు. జనవరి 28 న లండన్ లో ఘనంగా ఆవిర్భావ సభ నిర్వహిస్తున్నట్టు సంస్థ ప్రతినిధి నర్రా సాయి తెలిపారు. ఈ కార్యక్రమంలో రాజ్ కుమార్ శానబోయిన , మల్లేష్ పప్పుల, సుభాష్ కుమార్ తదితరులు పాల్గొన్నారు.
