షాలిని, నందికొండ వాగుల్లోనా లాంటి చిత్రాల్లో హీరోగా గుర్తింపు తెచ్చుకున్న లక్కీఏకారి , నజియా, హీరో హీరోయిన్లుగా అర్కాన్ ఎంటర్టైన్మెంట్స్ బ్యానర్ పై… రంజిత్ కోడిప్యాక సమర్పణలో సత్యనారాయణ ఏకారి దర్శకత్వంలో “మోని చిత్రం తెర‌కెక్కుతోంది. తెలుగు హిందీ భాషల్లో ఈసినిమాను విడుద‌ల చేయ‌నున్నారు. భారీ యాక్షన్ లవ్ అండ్ రొమాంటిక్ ఎంటర్ టైనర్ గా తెరకెక్కుతున్న ఈ చిత్రం ప్రస్తుతం గోవా లో మొదటి షెడ్యూల్ జరుపుకుంటుంది.
ఈ సందర్బంగా చిత్ర వివరాలను నిర్మాతలు తెలియజేస్తూ .. తెలుగు, హిందీ భాషల్లో తెరకెక్కుతున్న చిత్రమిది. యాక్షన్ లవ్ అండ్ రొమాంటిక్ ఎంటర్ టైనర్ గా రూపొందుతున్న ఈ చిత్రాన్ని సత్యనారాయణ ఏకారి అద్భుతంగా తెరకెక్కిస్తున్నాడు. షాలిని, నందికొండ వాగుల్లోనా వంటి చిత్రాలతో హీరోగా మంచి గుర్తింపు తెచ్చుకున్న లక్కీ ఏకారి , బాలీవుడ్ లో పలు చిత్రాల్లో నటిస్తున్న నజియా హీరో హీరోయిన్లు నటిస్తున్నారు. దాంతో పాటు బడ్జెట్ పరంగా ఎక్కడ కాంప్రమైజ్ కాకుండా భారీగా నిర్మిస్తున్నామని చిత్ర నిర్మాతలు తెలిపారు.
దర్శకుడు సత్యనారాయణ ఏకారి మాట్లాడుతూ …ఈ చిత్రలో రెండు పాటలు నాలుగు భారీ ఫైట్లు ఉంటాయని, బాలీవుడ్ హీరోయిన్ నజియా హీరోయిన్ గా నటిస్తున్న ఈ సినిమాలో ఓ ప్రముఖ బాలీవుడ్ విలన్ నటిస్తున్నాడు. త్వరలోనే షూటింగ్ పూర్తీ చేయాలనీ ప్లాన్ చేస్తున్నాం. తప్పకుండా ఈ చిత్రం మా బ్యానర్ లో రెండో చిత్రంగా మంచి గుర్తింపు తెచ్చే విధంగా ఉంటుంది అన్నారు. ఈచిత్రంలో సుమ‌న్ శెట్టి, దిల్ ర‌మేష్, స‌న్నీ టావో ప‌లువురు న‌టిన‌టులు నటిస్తున్నారు.
