ప్రముఖ మలయాళ నటుడు, పద్మభూషణ్ అవార్డు గ్రహీత మోహన్లాల్ కుటుంబంలో విషాదం చోటుచేసుకుంది. ఆయన తల్లి శాంతకుమారి వృద్ధాప్య సంబంధిత అనారోగ్య సమస్యలతో బాధపడుతూ ఈ రోజు కన్నుమూశారు. ఆమె వయస్సు 90 ఏళ్లు. ఈ వార్త మలయాళ సినీ పరిశ్రమతో పాటు అభిమానులను తీవ్రంగా కలచివేసింది.
శాంతకుమారి తన జీవితాన్ని ఎంతో సాదాసీదాగా గడిపారు. మోహన్లాల్ జీవితంలో ఆమె కీలక పాత్ర పోషించారని ఆయన సన్నిహితులు పేర్కొంటున్నారు. చిన్ననాటి నుంచి మోహన్లాల్కు అండగా నిలిచి, ఆయన నటన పట్ల ఉన్న ఆసక్తిని ప్రోత్సహించిన వ్యక్తిగా శాంతకుమారిని కుటుంబ సభ్యులు గుర్తుచేసుకుంటున్నారు. మోహన్లాల్ ఎన్నో సందర్భాల్లో తన తల్లిపై ఉన్న ప్రేమను, గౌరవాన్ని బహిరంగంగా వ్యక్తం చేశారు.
Also Read:మలేసియా బుక్ ఆఫ్ రికార్డులో ‘జన నాయగన్’
ఆమె మృతి వార్త తెలిసిన వెంటనే పలువురు సినీ ప్రముఖులు, రాజకీయ నాయకులు, అభిమానులు సోషల్ మీడియా ద్వారా సంతాపం తెలియజేశారు. మలయాళ సినీ పరిశ్రమలోని అనేక మంది ప్రముఖులు మోహన్లాల్ కుటుంబానికి ప్రగాఢ సానుభూతిని తెలియజేశారు.