ఎమ్మెల్సీ ఎన్నికల నోటిఫికేషన్ రిలీజ్…

214
mlc elections

స్థానిక సంస్థల కోటా ఎమ్మెల్సీ ఉప ఎన్నికల నోటిఫికేషన్ విడుదలైంది. రంగారెడ్డి,వరంగల్,నల్గొండ మూడు జిల్లాల స్ధానిక సంస్థల కోటాలో ఎమ్మెల్సీ ఉప ఎన్నికలు జరగనున్నాయి. నేటి నుండి మే 14 వరకు నామినేషన్లను స్వీకరించనున్నారు.ఉదయం 11 గంటల నుంచి 3 గంటల వరకు నామినేషన్ల స్వీకరించనున్నారు.ఎన్నికల రిటర్నింగ్ అధికారులుగా వరంగల్, నల్గొండ, రంగారెడ్డి కలెక్టర్లు వ్యవహరించనున్నారు.

ఉపసంహరణకు 17వ తేదీ వరకు గడవు ఉంటుంది. మే 31 ఉదయం 8 నుంచి సాయంత్రం 4 గంటల వరకు పోలింగ్‌ జరుగుతుంది. జూన్‌ 3న ఓట్లను లెక్కిస్తారు. పట్నం నరేందర్‌రెడ్డి, రాజగోపాల్‌రెడ్డి ఎమ్మెల్యేలుగా ఎన్నికవడంతో మండలి సభ్యత్వాలకు రాజీనామా చేశారు. వరంగల్ ఎమ్మెల్సీ స్ధానానికి కొండా మురళి రాజీనామా చేయడంతో ఆ స్ధానానికి ఎన్నిక అనివార్యమైంది.

ప్రస్తుత జెడ్పీటీసీ, ఎంపీటీసీ సభ్యుల పదవీకాలం జూలై రెండు వరకు ఉంది. దీంతో స్థానిక సంస్థల కోట ఎమ్మెల్సీ ఉపఎన్నికల్లో వారు ఓటు వేయడానికి అర్హులు. కొత్తగా ఎన్నికయ్యే ఎంపీటీసీ, జెడ్పీటీసీ సభ్యులకు ఈ ఎన్నికల్లో ఓటేసే అవకాశం ఉండదు.