మల్లు స్వరాజ్యం మృతి అత్యంత బాధాకరం- ఎమ్మెల్సీ కవిత

తెలంగాణ సాయుధ రైతాంగ పోరాట యోధురాలు మాజీ ఎమ్మెల్యే మల్లు స్వరాజ్యం మృతి అత్యంత బాధాకరం అని ఎమ్మెల్సీ కవిత ఆవేదన వ్యక్తం చేశారు. హైదరాబాద్‌లోని ఎంబీ భవన్‌లో తెలంగాణ మల్లు స్వరాజ్యం భౌతికకాయానికి ఆమె నివాళులు అర్పించారు. స్వరాజ్యం కుటుంబ సభ్యులను ఓదార్చారు. అనంతరం మాట్లాడుతూ.. తమలాంటి ఉద్యమకారులకు స్వరాజ్యం ఆదర్శంగా నిలిచారని చెప్పారు. తెలంగాణలో తుపాకీ పట్టిన మొదటి మహిళగా కీర్తి గడించారని ఎమ్మెల్సీ కవిత తెలిపారు. వారి జీవితం తెలంగాణ బిడ్డలెందరికో స్ఫూర్తి.. వారి ఆత్మకు శాంతి చేకూరాలని ప్రార్ధిస్తూ వారి కుటుంబ సభ్యులకు నా ప్రగాఢ సానుభూతిని తెలియజేస్తున్నాను అన్నారు.