సైదిరెడ్డికి సర్టిఫికేట్ అందించిన ఈసీ..

సూర్యాపేట జిల్లా హుజూర్‌నగర్ ఉపఎన్నికల్లో టీఆర్ఎస్ అభ్యర్థి సైదిరెడ్డి భారీ మెజార్టీతో గెలిచారు. కాంగ్రెస్ అభ్యర్థి పద్మావతిపై 43,284 ఓట్ల మెజార్టీతో టీఆర్ఎస్ అభ్యర్థి ఘన విజయం సాధించారు. శాసనసభ్యులుగా శానంపూడి సైదిరెడ్డి గెలుపొందిన ఆయనకు ఎన్నికల కమిషన్ సర్టిఫికెట్ అందించింది.

ఈ సర్టిఫికెట్‌ను ఎన్నికల జనరల్ అబ్జర్వర్ సచీంద్ర ప్రతాప్ సింగ్, జిల్లా ఎన్నికల అధికారి డి.అమయ్ కుమార్, నియోజకవర్గ రిటర్నింగ్ అధికారి పి. చంద్రయ్యలు అందించారు. ఈ కార్యక్రమంలో రాష్ట్ర విద్యుత్ శాఖ మంత్రి జి.జగదీష్ రెడ్డి, రాజ్యసభ సభ్యులు బడుగుల లింగయ్య యాదవ్, పల్లా రాజేశ్వర రెడ్డి, కోదాడ, తుంగతుర్తి, నల్లగొండ శాసనసభ్యులు పాల్గొన్నారు.