నాలాల సమస్యకు శాశ్వత పరిష్కారం: తలసాని

ఎన్‌ఎన్‌డీపీతో నాలాల సమగ్ర అభివృద్ధి చేపట్టామని….. హైదరాబాద్‌లో నాలాల సమస్యకు శాశ్వత పరిష్కారం చూపిస్తామని స్పష్టం చేశారు మంత్రి తలసాని. సికింద్రాబాద్‌లోని పికెట్ నాలాపై రూ.10 కోట్లతో చేపట్టిన బ్రిడ్జి నిర్మాణ పనులను స్థానిక ఎమ్మెల్యే సాయన్నతో కలిసి మంత్రి పరిశీలించారు.

ఈ సందర్భంగా మాట్లాడిన తలసాని….ఎన్నో ఏండ్ల నుంచి ఎలాంటి అభివృద్ధికి నోచుకోని నాలాలను మంత్రి కేటీఆర్ చొరవతో అభివృద్ధి చేస్తున్నామని చెప్పారు. దీంతో పరిసర ప్రాంతాల్లో వరదముంపు సమస్యకు శాశ్వత పరిష్కారం లభిస్తుందన్నారు.

ఆసియాలొనే అతిపెద్ద స్లమ్‌గా పేరుగాంచిన రసూల్‌పురా బస్తీ కూడా ఈ నాలా పరిధిలోనే ఉందని వెల్లడించారు. వర్షాకాలం దృష్ట్యా పనులు వేగవంతం చేస్తున్నామన్నారు.