గ్రేటర్‌లో టీఆర్ఎస్‌దే విజయం: ప్రశాంత్ రెడ్డి

జిహెచ్ఎంసి పై గులాబీ జెండా ఎగరడం ఖాయమని స్పష్టం చేశారు మంత్రి వేముల ప్రశాంత్‌రెడ్డి. ముఖ్యమంత్రి కేసీఆర్, మంత్రి కేటీఆర్‌ ఆదేశాల మేరకు కుత్బుల్లాపూర్ ఎమ్మెల్యే వివేకానంద గౌడ్,ఎమ్మెల్సీ శంబిపూర్ రాజుతో మంత్రి వేముల ప్రశాంత్‌ రెడ్డి సమావేశం అయ్యారు.

ఈ సందర్భంగా మాట్లాడిన ప్రశాంత్ రెడ్డి…. కుత్బుల్లాపూర్ నియోజకవర్గ పరిధిలోని 8 డివిజన్ల లో టిఆర్ఎస్ పార్టీ అభ్యర్థులు గెలుపు కోసం అనుసరించాల్సిన వ్యూహాలపై ఈ సందర్భంగా చర్చించామన్నారు.

కేసీఆర్ ప్రభుత్వ సంక్షేమ కార్యక్రమాలు ప్రజల్లోకి తీసుకెళ్లేందుకు విస్తృతంగా ప్రచారం చేసేలా ప్రణాళిక సిద్ధం చేశామని తెలిపారు. జీహెచ్‌ఎంసీలో మరోసారి గులాబీ జెండా ఎగురవేయడానికి ప్రతి ఒక్కరు కలిసికట్టుగా, బాధ్యతాయుతంగా పనిచేస్తామని వెల్లడించారు.