హైదరాబాద్ లోని మంత్రుల నివాస సముదాయంలో తనను కలిసిన యువరైతులు అదీప్ అహ్మద్, జైపాల్ నాయక్ , యూ ట్యూబర్ శివకుమార్ లను అభినందించారు మంత్రి సింగిరెడ్డి నిరంజన్ రెడ్డి. ఈ సందర్భంగా నిరంజన్ రెడ్డి…మీరే తెలంగాణ భవిష్యత్ అన్నారు. ఎంటెక్ చేసి బొప్పాయి సాగు,లండన్ ఉద్యోగం వదిలి అవకాడో పండిస్తున్నారన్నారు. అందరికీ ఆదర్శంగా రంగారెడ్డి జిల్లా కందుకూరు మండల యువ రైతులు నిలిచారన్నారు.
ఎంటెక్ చదివి 10 ఎకరాలలో బొప్పాయి, జామ, దొండ, వరి సాగు చేస్తున్న ఎంటెక్ చదివిన రంగారెడ్డి జిల్లా కందుకూరు మండలం అగర్ మియా గూడ యువరైతు అదీప్ అహ్మద్,మొజాయిక్ వైరస్ తో బొప్పాయి సాగుకు రైతులు దూరమవుతుండగా దేశీ బొప్పాయి సాగుతో కేజీ రూ.30కి అమ్ముతూ 10 మందికి ఉపాధి కల్పిస్తున్న ఆదీప్ అహ్మద్‌ను అభినందిస్తున్నారన్నారు.
Also Read:పవన్ యాత్ర మళ్ళీ షురూ..?
సివిల్ ఇంజనీరింగ్ చేసి లండన్ లో ఎంబీఏ చదివి ఉద్యోగం వదిలేసి ఎకరా 10 గుంటలలో అవకాడో పంట పండిస్తున్నారు కందుకూరు మండలం దెబ్బడగూడ తండా వాసి జైపాల్ నాయక్. ఎకరాకు రూ.5 నుండి రూ.10 లక్షల వరకు లాభాలు పొందుతున్నారన్నారు. అవకాడో పంట సాగులో అద్భుతాలు సృష్టిస్తున్నారు రైతు జైపాల్ నాయక్. యూట్యూబ్ ద్వారా వ్యవసాయ విజయాలను ప్రపంచానికి తెలియజేస్తున్నారు కల్వకుర్తికి చెందిన వ్యవసాయ పాలిటెక్నిక్ విద్యార్థి శివకుమార్.
లక్ష మంది సబ్ స్క్రైబర్లతో విజయవంతంగా రైతుల విజయాలను ప్రచారం చేస్తున్నారన్నారు. మీలాంటి యువతే రేపటి తరానికి ఆదర్శం అని…వ్యవసాయమే ఈ ప్రపంచ దిక్సూచి .. వ్యవసాయ రంగం సుభిక్షంగా ఉంటేనే ఈ ప్రపంచం సురక్షితంగా ఉంటుందన్నారు.
సాగుకు దూరమవుతున్న యువత మీలాంటి వారిని చూసి మళ్లీ వ్యవసాయాన్ని ప్రేమించాలి. మట్టి పరిమళాన్ని ఆస్వాదించాలన్నారు. సాగు మీద దృష్టి పెట్టి పంటల ఉత్పత్తిలో అద్భుతాలు సృష్టించాలన్నారు. సమాజ ఆలోచనా విధానాన్ని సంపూర్ణంగా మార్చాలి .. దానికి మీరు పునాదిరాళ్లు .. మీ నేతృత్వంలో మరింతమందిని ఇటు వైపు మళ్లించాలని సూచించారు.
Also Read:బీజేపీలో ఉండలేం.. బాబోయ్?
