కేసీఆర్ ప్రభుత్వం పేదల పక్షపాతి: హరీశ్ రావు

సీఎం కేసీఆర్ ప్రభుత్వం పేదల ప్రభుత్వమన్నారు మంత్రి హరీశ్ రావు. అనాథలు, అభాగ్యులు రోడ్లపై తిరుగుతూ జీవనం సాగిస్తున్న వారి కోసం ప్రభుత్వం రాత్రి బస కేంద్రం (నైట్‌షెల్టర్‌)ను ఏర్పాటు చేసిందన్నారు. సిద్దిపేట జిల్లా కేంద్రంలో మణికంఠ నగర్‌లో మెప్మా-డీఏవై-ఎన్ యూఎల్ఏం- ఆధ్వర్యంలో రూ.72.82 లక్షల రూపాయల నిధులతో నిర్మించిన పట్టణ నిరాశ్రయుల ఆశ్రయ కేంద్రాన్ని మంత్రి ప్రారంభించారు.

సమాజంలోని ఏ ఒక్క పేదలూ ఆకలితో అలమటించకూడదని ఈ కేంద్రాలను ఏర్పాటు చేసినట్లు పేర్కొన్నారు. ఈ నైట్ షెల్టర్ లో అనాథలకు ప్రతిరోజు ఉచితంగా టిఫిన్, భోజనం, బెడ్, లాకర్ సౌకర్యం కల్పించినట్లు పేర్కొన్నారు. ఈ కేంద్రంలో సేద తీరుతున్న పేదల పట్ల సామాజిక సృహతో వ్యవహరించాలని నిర్వాహకులను మంత్రి కోరారు.