గజ్వేల్‌లో మంత్రి హరీష్ పర్యటన..

సిద్దిపేట జిల్లా గజ్వేల్‌లో పర్యటించారు మంత్రి హరీష్ రావు. గజ్వేల్ నియోజకవర్గ పరిధిలోని వివిధ ప్రాథమిక ఆరోగ్య కేంద్రాలలో పని చేస్తున్న 216 మంది ఆశ వర్కర్లకు దత్త డయాగ్నోస్టిక్స్ వారి ఆధ్వర్యంలో నిత్యావసర సరుకులను అందజేశారు.

ఈ సందర్భంగా ఆయన మాట్లాడుతూ.. ఈ విపత్కర పరిస్థితుల నడుమ ఆశ వర్కర్లు చేస్తున్న కృషి వెల కట్టలేనిదని పేర్కొన్నారు. ప్రభుత్వం వారి కష్టాన్ని గుర్తిస్తూ ప్రోత్సాహకాలను అందిస్తుందన్న విషయాన్ని ఈ సందర్భంగా గుర్తు చేశారు.

సమాజానికి వీరు చేస్తున్న సేవలను గుర్తించి సహాయం చేయడానికి ముందుకు వచ్చిన డా. సుజాత సాయినాథ్ గారిని అభినందిస్తూ, కరోనా వ్యాధి వ్యాప్తిని అరికట్టేందుకు ఇంకా దాతలు ముందుకు రావాలని ఈ మేరకు పిలుపునిచ్చారు.