ఒకప్పుడు సీనియర్ హీరోస్ చిరంజీవి, వెంకటేష్, నాగార్జునల చుట్టూ హీరోయిన్స్ తిరిగేవాళ్లు. కానీ ఇప్పుడు ఆ హీరోస్… హీరోయిన్స్ చుట్టూ తిరగాల్సివస్తుంది. ఇప్పుడున్న హీరోయిన్స్ సీనియర్ హీరోస్ తో నటించడానికి ఇష్టపడట్లేదు. గురు సినిమా తర్వాత చాలా గ్యాప్ తీసుకుని మళ్లీ తేజ దర్శకత్వంలో నటించపోతున్నాడు వెంకటేష్. త్వరలోనే ఈ సినిమా పట్టాలెక్కనుంది.
అయితే ప్రస్తుతం టాలీవుడ్‌లో సీనియర్ హీరోల సరసన నటించడానికి హీరోయిన్లు దొరకడం కష్టంగా మారింది. కొంతమంది హీరోయిన్లు సీనియర్ హీరోలతో చేయడానికి ముఖం చాటేస్తుంటే.. మరికొంత మందికి ఎవో ఇతర కారణాల చేత కుదరడం లేదు. ఒకరిద్దరు హీరోయిన్లు సీనియర్ హీరోలతో చేయడానికి సిద్ధంగా ఉన్నా.. మూవీ మేకర్స్‌కి వాళ్లు నచ్చడంలేదు. అందుకే సినిమాను మొదలుపెట్టడానికి ముందు హీరోయిన్‌ను ఫైనల్ చేసుకోవాలని దర్శక నిర్మాతలు చూస్తున్నారు. ఇప్పుడు వెంకీ సినిమాకు కూడా ఇదే ఫాలో అవుతున్నారు. మొదట అనుష్కను హీరోయిన్‌గా అనుకున్నారు. కానీ ప్రస్తుతం ఆమె బరువు తగ్గే పనిలో పడింది. ఇప్పట్లో కొత్త సినిమాలు అంగీకరించే ఛాన్స్ లేదు. దీంతో కాజల్‌ను సంప్రదించగా ఆమె చేయనని చెప్పడంతో ఇప్పుడు యంగ్ బ్యూటీ మెహ్రీన్‌పై తేజ దృష్టి పడింది.
‘కృష్ణగాడి వీర ప్రేమ గాధ’తో తెలుగు తెరకు పరిచయమైన ఈ బొద్దుగుమ్మ ‘మహానుభావుడు’ చిత్రంతో తన ఫాలోయింగ్‌ను మరింత పెంచుకుంది. తాజాగా ‘రాజా ది గ్రేట్’తో మరో సక్సెస్‌ను అందుకుంది. వరుస విజయాలతో లక్కీ హీరోయిన్‌గా మారిన ఈ బ్యూటీని వెంకీ సినిమాలో హీరోయిన్‌గా తీసుకోవాలని చూస్తున్నారు. ఇప్పటికే ఆమెతో సంప్రదింపులు జరిపినట్లు తెలుస్తోంది. మరి సీనియర్ హీరోతో రొమాన్స్‌కు అమ్మడు అంగీకరిస్తుందో.. లేదో.. చూడాలి!.. అనీల్ సుంకర, సురేష్ బాబు సంయుక్తంగా ఈ చిత్రాన్ని నిర్మించబోతున్నారు. నవంబర్ రెండో వారంలో మూవీ ప్రారంభమయ్యే ఛాన్స్ ఉంది. ఈ సినిమాలో కాలేజ్ ప్రొఫెసర్ పాత్రలో కనిపించబోతున్నాడు వెంకటేష్.
