డాషింగ్‌ డైరెక్టర్‌ పూరి జగన్నాథ్ దర్శకత్వంలో ఆకాష్‌ పూరి హీరోగా లావణ్య సమర్పణలో పూరి జగన్నాథ్ టూరింగ్‌ టాకీస్‌ పతాకంపై రూపొందుతున్న చిత్రం ‘మెహబూబా’. 1971 ఇండియా-పాకిస్తాన్‌ యుద్ధ నేపథ్యంలో సాగే ప్రేమకథగా ఈ చిత్రాన్ని తెరకెక్కిస్తున్న ఈ చిత్రానికి సందీప్ చౌతా సంగీతం అందిస్తున్నారు. ఇటీవలె షూటింగ్ పూర్తి చేసుకున్న ఈ చిత్రం సెన్సార్ ఫార్మాలిటీస్‌ను సైతం కంప్లీట్ చేసుకుంది.
సెన్సార్ బోర్డు ఈ చిత్రానికి యు\ఎ సర్టిఫికేట్ ఇచ్చింది. ఇటీవలే విడుదలైన ఈ సినిమా ట్రైలర్, పాటలు ప్రేక్షకుల నుండి మంచి స్పందన తెచ్చుకున్నాయి. చిత్ర యూనిట్ కూడా మంచి స్థాయిలోనే ప్రమోషన్లు చేస్తోంది. దిల్ రాజు ఈ చిత్రాన్ని నిర్మిస్తుండటంలో అంచనాలు పెరిగిపోయాయి. దిల్ రాజు-పూరి జగన్నాథ్ కాంబినేషన్‌లో వచ్చిన పోకిరి,ఇడియట్ ఇండస్ట్రీ ఆల్ టైం హిట్ గా నిలిచిన సంగతి తెలిసిందే. పూరి తన మార్క్‌ ఎఫెక్ట్‌తో చిత్రాన్ని అన్నివర్గాల ప్రేక్షకులకు దగ్గరయ్యేలా తెరకెక్కిస్తున్నారు.
ఆకాష్‌ పూరి సరసన నేహాశెట్టి హీరోయిన్‌గా నటిస్తున్న ఈ చిత్రానికి సంగీతం:సందీప్ చౌతా, సినిమాటోగ్రఫీ: విష్ణుశర్మ, ఎడిటింగ్‌: జునైద్‌ సిద్ధిఖీ, యాక్షన్‌: రియల్‌ సతీష్‌, ఆర్ట్‌: జానీ షేక్‌, కథ, స్క్రీన్‌ప్లే, మాటలు, నిర్మాత, దర్శకత్వం: పూరి జగన్నాథ్.
