మేడారం మహాజాతరకు వచ్చే భక్తుల కోసం ప్రత్యేక ఆకర్షణగా హెలికాప్టర్ రైడ్స్ను ప్రారంభించారు. ఈ సేవలు ఈరోజు నుంచే భక్తులకు అందుబాటులోకి వచ్చాయి. లక్షలాది మంది భక్తులు హాజరయ్యే జాతరను పక్షివీక్షణ కోణంలో వీక్షించే అవకాశం కల్పించడమే ఈ ఏర్పాట్ల ప్రధాన ఉద్దేశ్యం.
హెలికాప్టర్ సేవల కోసం పడిగాపూర్ వద్ద ప్రత్యేక హెలిప్యాడ్ను ఏర్పాటు చేశారు. ఇక్కడి నుంచి హెలికాప్టర్లో ప్రయాణిస్తూ మేడారం జాతర ప్రాంతాన్ని పై నుంచి చూడవచ్చు. సుమారు 6 నుంచి 7 నిమిషాల పాటు జరిగే జాయ్ రైడ్ ద్వారా జాతర మొత్తం విహంగ వీక్షణం చేయవచ్చు. ఈ జాయ్ రైడ్కు ఒక్కొక్కరికి రూ.4,800 ఛార్జ్గా నిర్ణయించారు.
అలాగే, హనుమకొండ నుంచి మేడారం వరకు అప్ అండ్ డౌన్ హెలికాప్టర్ ప్రయాణానికి రూ.35,999 చార్జ్ విధించారు. ఈ సేవల ద్వారా భక్తులు రద్దీ, ప్రయాణ ఇబ్బందులు లేకుండా సౌకర్యంగా జాతర దర్శనం చేసుకునే అవకాశం కలుగుతుంది.
ఈ హెలికాప్టర్ సేవలు ఈ నెల 31 వరకు అందుబాటులో ఉండనున్నట్లు అధికారులు తెలిపారు. ప్రతిరోజూ ఉదయం 8 గంటల నుంచి సాయంత్రం 5:20 వరకు హెలికాప్టర్ రైడ్స్ కొనసాగనున్నాయి. భక్తులు ముందస్తుగా బుకింగ్ చేసుకుని ఈ ప్రత్యేక అనుభూతిని ఆస్వాదించాలని నిర్వాహకులు సూచిస్తున్నారు.
Also Read:కరాటే కళ్యాణిపై దాడి..10 మందిపై కేసు