బాలయ్య -బోయపాటి కాంబోలో వచ్చిన ఫస్ట్ బ్లాక్ బస్టర్ హిట్ మూవీ ‘సింహా’ రీ రిలీజ్ కి రెడీ అవుతుంది. మార్చ్ 11 న ఈ సినిమాను గ్రాండ్ గా రీ రిలీజ్ చేయబోతున్నారు. ప్రస్తుతం 4 k వెర్షన్ వర్క్ కంప్లీట్ చేశారు. మరో రెండు మూడు రోజుల్లో రెండు రాష్ట్రాల్లో థియేటర్స్ ఫైనల్ చేయనున్నారు.
బాలయ్య డ్యూయల్ రోల్ చేసిన బెస్ట్ మూవీస్ లో సింహా కి మంచి స్థానం దక్కుతుంది. ముఖ్యంగా డాక్టర్ పాత్రలో బాలయ్య థియేటర్స్ లో మెరుపులు మెరిపించాడు. పవర్ ఫుల్ కేరెక్టర్ తో విజిల్స్ వేయించే డైలాగుల కోసం బాలయ్య ఫ్యాన్స్ ఈ సినిమాను మళ్ళీ థియేటర్స్ లో చూడటం గ్యారెంటీ. అందుకే ఈ మాస్ యాక్షన్ సినిమాను రీ రిలీజ్ రెడీ చేస్తున్నారు.
రీ రిలీజ్ ట్రెండ్ లో వచ్చిన సినిమాల్లో పోకిరి , జల్సా మంచి వసూళ్లు రాబట్టాయి. అవి మినహా మిగతా తెలుగు సినిమాలు ఆశించిన స్థాయిలో కలెక్షన్స్ రాబట్టలేదు. బాలయ్య చెన్న కేశవ రెడ్డి కొంత కలెక్ట్ చేసినా వసూళ్లు తక్కువగానే వచ్చాయి. మరి ‘సింహా’ రీ -రిలీజ్ తో బాలయ్య ఎంత వసూళ్లు చేస్తాడో చూడాలి.
ఇవి కూడా చదవండి…
