కంగనా రనౌత్ ప్రధాన పాత్రధారిగా హిందీలో ‘మణికర్ణిక’ చిత్రం రూపొందింది. ఝాన్సీ లక్ష్మి బాయ్ జీవితం ఆధారంగా రూపొందిన మణికర్ణిక ఈ నెల 25న విడుదల కాబోతున్న సందర్భంగా దీని తెలుగు ట్రైలర్‌ను విడుదల చేశారు. ఇంతకు ముందు వచ్చిన హిందీ వెర్షన్‌కు ఎలాంటి మార్పులు లేకుండా కేవలం డబ్బింగ్ జోడించారు.
ఈ సినిమాకి కథా కథనాలను విజయేంద్ర ప్రసాద్ అందించారు. క్రిష్ .. కంగనా దర్శకత్వం వహించారు. ఇటీవల వదిలిన హిందీ ట్రైలర్‌కి అనూహ్యమైన రెస్పాన్స్ వచ్చింది. తాజాగా తెలుగులోను ట్రైలర్‌ను రిలీజ్ చేశారు. ” సాహసవంతురాలైన యువతిగా.. మహారాణిగా .. మాతృమూర్తిగా .. మహా యోధురాలిగా ఈ ట్రైలర్లో కంగనా కనిపిస్తోంది.
‘ప్రతి భారతీయుడిలోనూ స్వాతంత్ర్య కాంక్షను రగిల్చే కాగడాను అవుతాను నేను’. ‘ఝాన్సీ మీకూ కావాలి .. నాకూ కావాలి. మీకు రాజ్యాధికారం కోసం కావాలి .. నాకు మా ప్రజలకి సేవ చేసుకోవడానికి కావాలి’ అనే డైలాగ్స్ బాగున్నాయి. శంకర్ ఎహ్సాన్ లే సంగీతం అందించగా.. జ్ఞాన శేఖర్ కిరణ్ ల ఛాయాగ్రహం అందిచారు.
