13 ఏళ్ల తర్వాత మంచు విష్ణు ఢీ అండ్ ఢీ..!

మంచు విష్ణు హీరోగా శ్రీనువైట్ల దర్శకత్వంలో తెరకెక్కిన కామెడీ ఎంటర్‌టైనర్ ఢీ. 13 ఏళ్ల క్రితం వచ్చిన ఈ సినిమా విష్ణు కెరీర్‌లోనే బిగ్గెస్ట్ హిట్‌గా నిలిచింది. విష్ణు- బ్రహ్మానందం కామెడీ సినిమాకే హైలైట్‌గా నిలవగా బాక్సాఫీస్ వద్ద వసూళ్ల సునామీ సృష్టించింది.

తాజాగా ఈ సినిమాకు సీక్వెల్‌ తెరకెక్కనుందని కొద్దిరోజులుగా ప్రచారం జరుగుతున్న సంగతి తెలిసిందే. ఈ నేపథ్యంలో ఇందుకుసంబంధించి తాజా అప్ డేట్ వచ్చేసింది.

ఈ చిత్రానికి సంబంధించిన స్క్రిప్ట్‌పై శ్రీనువైట్ల వ‌ర్క్ చేస్తున్నార‌ని టాక్‌. ఈ చిత్రాన్ని కమర్షియల్ కామెడీ ఎంటర్‌టైనర్‌గా రూపొందించనున్నారని, అలాగే చిత్రానికి ‘ఢీ అండ్ ఢీ’ అనే టైటిల్ ఖరారు చేసినట్లు సమాచారం.డేరింగ్ అండ్ డాషింగ్ అనే ట్యాగ్ లైన్‌తో వస్తున్న ఈ సినిమాతో మంచు విష్ణు మరోసారి ఆకట్టుకుంటాడా లేదా వేచిచూడాలి..