టాలీవుడ్ యువనటుడు మంచు విష్ణుకు గాయాలయ్యాయి. మంచు విష్ణు, బ్రహ్మానందంల కాంబినేషన్‌లో జి.నాగేశ్వర్రెడ్డి దర్శకత్వంలో తెరకెక్కుతున్న సినిమా షూటింగ్ ఇప్పటికే రెండు షెడ్యూళ్లు పూర్తి చేసుకుంది. ప్రస్తుతం మలేసియాలో తాజా షెడ్యూల్‌ను ప్లాన్ చేశారు. ఈ సినిమాలో ప్రధాన పాత్రలో నటిస్తున్న మంచు విష్ణు.. షూటింగ్ సందర్భంగా బైక్ పై సన్నివేశం చిత్రీకరిస్తుండగా కిందపడి గాయపడ్డాడు. దీంతో వేగంగా స్పందించిన చిత్ర యూనిట్ విష్ణును ఆసుపత్రికి తరలించింది. కాగా, విష్ణును ఐసీయూలో ఉంచి చికిత్స చేస్తున్నారు. గాయాలు కొంచెం బలంగా తగిలినట్టు తెలుస్తోంది. దీంతో చిత్రయూనిట్ ఆందోళనలో మునిగిపోయింది. దేనికైనా రెడీ, ఈడోరకం ఆడోరకం లాంటి సూపర్ హిట్ చిత్రాల అనంతరం మంచు విష్ణు, నాగేశ్వర్రెడ్డిల కాంబినేషన్‌లో తెరకెక్కుతున్న మూడో చిత్రమిది. ఆచారి అమెరికా యాత్ర చిత్రం 80 శాతం షూటింగ్ పూర్తి చేసుకున్న‌ట్టు స‌మాచారం.
