నటిగా, నిర్మాతగా మంచి గుర్తింపు తెచ్చుకున్న సూపర్ స్టార్ కృష్ణ కూతురు మంజుల ‘మనసుకు నచ్చింది’ సినిమాతో దర్శకురాలిగా మారారు. సందీప్ కిష‌న్ ,అమైరా ద‌స్తూర్‌, త్రిదా చౌదరి ప్ర‌ధాన పాత్ర‌ల‌లో తెర‌కెక్కిన ఈ చిత్రాన్ని ఆనంది ఇందిరా ప్రొడక్షన్ ఎల్ఎల్ పి బ్యానర్ లో కిరణ్, సంజయ్ స్వరూప్ సంయుక్తంగా నిర్మించారు.
ఇప్పటివరకు విడుదల చేసిన ఈ చిత్ర పోస్ట‌ర్, టీజ‌ర్ ప్ర‌తి ఒక్క‌రిని ఎంత‌గానో ఆక‌ట్టుకున్నాయి.తాజాగా సినిమా ప్రమోషన్స్లో భాగంగా సూపర్ స్టార్ మహేష్ బాబు ట్రైలర్ విడుదల చేశారు. ఫస్ట్ టైమ్ పెళ్లికూతురే…పెళ్లి కొడుకును తీసుకెళ్లిపోతుంది అంటూ సాగే ట్రైలర్ అందరిని ఆకట్టుకుంది. పెళ్లే కాదా ఆగిపోయింది వాళ్లు కాదు కదా అని చెప్పే డైలాగ్‌లకు తోడు కొంచెం లవ్‌…కాస్త కోపం కలగలిపి ట్రైలర్‌ను తీర్చిదిద్దారు.
ట్రైలర్ అద్బుతంగా ఉందని…ఎమోషన్స్‌తో ఆకట్టుకుందని మహేష్ బాబు ట్విట్టర్‌లో ట్వీట్ చేశారు. సినిమా హిట్ కావాలని కోరుకుంటున్నాని తెలిపారు. రిప‌బ్లిక్ డే శుభాకాంక్ష‌ల‌తో జ‌న‌వ‌రి 26, 2018న చిత్రం విడుదల కానుంది. మంజుల కూతురు జాన్వీ కూడా ఈ చిత్రంలో ముఖ్య పాత్ర పోషిస్తుండ‌గా, మనసుకు నచ్చింది చిత్రం జాన్వీ డెబ్యూ మూవీ కానుంది.
