టాలీవుడ్‌లో భారీ అంచనాలతో తెరకెక్కుతున్న చిత్రం యాత్ర. ఉమ్మడి ఆంధ్రప్రదేశ్ రాష్ట్ర ముఖ్యమంత్రిగా తెలుగు ప్రజల మనసుల్లో శాశ్వత స్థానం సంపాదించిన స్వర్గీయ వై ఎస్ రాజశేఖర రెడ్డి జీవితం ఆధారంగా ఈ బయోపిక్ నిర్మిస్తున్నారు. ఈ సినిమాలో వైఎస్సార్ పాత్రలో మలయాళ స్టార్ మమ్ముట్టి నటిస్తున్నారు. ఇప్పటికే ఈ మూవీ నుండి వచ్చిన ఫస్ట్ లుక్, టీజర్ కు మంచి స్పందన వస్తోంది. వైఎస్ పాత్రలో మమ్ముట్టి ఎలా ఒదిగిపోయారో అందరికీ తెలుసు.
అయితే ఈ రోజు మమ్ముట్టి పుట్టిన రోజు. ఆయనకి శుభాకాంక్షలు తెలియజేస్తూ ఈ సినిమా టీమ్ ఒక స్పెషల్ పోస్టర్‌ను రిలీజ్ చేసింది. ఈ పోస్టర్లో వైఎస్ రాజశేఖర్ రెడ్డిని గుర్తుకు తెస్తూ మమ్ముట్టి ఆకట్టుకుంటున్నాడు. ఎడమ చెయ్యి పైకి లేపి ప్రజలకు అభివాదం చేస్తూ వైఎస్‌ను మరోసారి గుర్తుకు తెచ్చారు. మహి.వి రాఘవ్ దర్శకత్వం వహిస్తోన్న ఈ సినిమా త్వరలో విడుదల కానుంది.
