యంగ్ టైగర్ ఎన్టీఆర్ త్రివిక్రమ్ క్రేజీ కాంబినేషన్ కోసం ఇండస్ట్రీ మొత్తం ఆసక్తిగా ఎదురుచూస్తోంది. ప్రస్తుతం ఎన్టీఆర్ బాబీ దర్శకత్వంలో జై లవకుశ సినిమా చేస్తుండగా ఈ సినిమా దసరా కానుకగా ప్రేక్షకుల ముందుకు రానుంది. తొలిసారిగా ఈ సినిమాలో త్రిపాత్రాభినయం చేస్తున్న ఎన్టీఆర్ తన తర్వాతి ప్రాజెక్ట్ త్రివిక్రమ్ దర్శకత్వంలో పట్టాలెక్కించనున్నాడు.
ఇంకా సినిమా మొదలుకాకుండానే వీరి కాంబినేషన్‌పై భారీ అంచనాలు నెలకొన్నాయి. ప్రస్తుతం పవన్‌తో సినిమా చేస్తున్న త్రివిక్రమ్ ఈ సినిమా పూర్తికాగానే ఎన్టీఆర్‌తో జట్టుకట్టనున్నాడు.ఈ ప్రాజెక్ట్ రెగ్యులర్ చిత్రీకరణ నవంబరు 1 నుండి ప్రారంభం కానుంది. రొమాంటిక్ , ఫ్యామిలీ ఎంటర్ టైనర్‌గా ఈ చిత్రం తెరకెక్కనుంది.
టాలీవుడ్ వర్గాల సమాచారం ప్రకారం ఈ సినిమాకు హీరోయిన్‌గా అను ఇమ్మాన్యుయేల్‌ను ఎంపిక చేసినట్లు ప్రచారం జరుగుతోంది. ప్రస్తుతం త్రివిక్రమ్ – పవన్ కాంబినేషన్‌లో తెరకెక్కుతున్న సినిమాలో చేస్తున్న ఈ బ్యూటీ స్టైలిష్ స్టార్ అల్లు అర్జున్ నా పేరు సూర్యలోనూ నటిస్తోంది. వరుస పెద్ద సినిమాలతో బిజీగా ఉన్న ఈ బ్యూటీ టాలీవుడ్ టాక్‌ ఆఫ్‌ దిటౌన్‌గా మారింది.
గతంలో త్రివిక్రమ్ సమంత హీరోయిన్ గా వరుసగా అత్తారింటికి దారేది ,అ ఆ ,s/o సత్యమూర్తి సినిమాలను తెరకెక్కించగా ఇప్పుడు అను ఇమ్మాన్యుయేల్ ఆ ఛాన్స్ కొట్టేసింది.
