సూపర్ స్టార్ మహేష్ బాబు మరోసారి రికార్డు సృష్టించాడు. టాలీవుడ్‌ డైరెక్టర్‌ అనీల్ రావిపూడి దర్శకత్వంలో మహేష్ బాబు హీరోగా రూపొందిన స‌రిలేరు నీకెవ్వ‌రు చిత్రంలోని మైండ్ బ్లాక్ సాంగ్ కొత్త రికార్డ్ సృష్టించింది. దేవి శ్రీ ప్ర‌సాద్ సంగీత సార‌థ్యంలో రూపొందిన ఈ సాంగ్ శ్రోత‌ల‌ను ఎంతో అల‌రించింది. వీడియో సాంగ్ కూడా ఆక‌ట్టుకుంది. మైండ్ బ్లాక్ అంటూ సాగే ఈ సాంగ్‌లో మహేష్ మాసీ గెటప్ అదిరిపోయిందని ఫ్యాన్స్ పండగ చేసుకున్నారు. ఈ సాంగ్ చూసిన ప్రతీ ఒక్కరికీ నిజంగానే మైండ్ బ్లాకయింది. అయితే ఈ సాంగ్ తాజాగా 100 మిలియన్స్ వ్యూస్ రాబట్టి రికార్డ్ క్రియేట్ చేయడం విశేషం. స‌రిలేరు నీకెవ‌రు చిత్రాన్ని ఏకే ఎంటర్టైన్మెంట్స్ నిర్మించింది.
ఇక ప్రస్తుతం మహేష్ బాబు పరశురాం దర్శకత్వంలో సర్కారు వారి పాట సినిమా చేస్తున్నాడు. కీర్తి సురేష్ హీరోయిన్‌గా నటిస్తోంది. జీఎంబీ ఎంటర్టైన్మెంట్స్, 14 రీల్స్ ప్లస్, మైత్రీ మూవీ మేకర్స్ సంయుక్తంగా భారీ బడ్జెట్‌తో నిర్మిస్తున్నారు. ఎస్ ఎస్ థమన్ సంగీతమందిస్తున్న ఈ సినిమా 2022 సంక్రాంతికి రిలీజ్ చేయనున్నట్టు ఇప్పటికే ప్రకటన కూడా వచ్చింది.
