మహేష్ ఫ్యాన్స్.. టైటిల్స్ గోల!

సూపర్ స్టార్ మహేష్ బాబు మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ మూవీ రూపొందుతున్న సంగతి తెలిసిందే. ” SSMB 28 ” అనే వర్కింగ్ టైటిల్ తో రూపొందుతున్న ఈ మూవీ ఇప్పటికే కొంత షూటింగ్ కూడా జరుపుకుంది. అయితే ఈ మూవీ ఆగిపోయిందని, స్టోరీ మార్చేశారని, త్రివిక్రమ్, మహేష్ మధ్య దూరం పెరిగిందని.. ఇలా రకరకాల రూమర్స్ సినీ సర్కిల్స్ లో వైరల్ అవుతున్నాయి. అయితే వీటినేవి పట్టించుకోకుండా చిత్రయూనిట్ మాత్రం ” SSMB 28 ” పూర్తి చేసే పనిలో ఉంది.

ఆ మధ్య కొన్ని యాక్షన్ ఎపిషోడ్స్ చిత్రీకరించిన చిత్రయూనిట్ మహేష్ వెకేషన్ కారణంగా షూటింగ్ కు కాస్త బ్రేక్ ఇచ్చింది. మహేష్ తిరిగి రాగానే మళ్ళీ షూటింగ్ పరుగులు పెట్టించేలా త్రివిక్రమ్ ప్లాన్ చేస్తున్నారు. ఇదిలా ఉంచితే ఈ మూవీ టైటిల్ ఎంటనే చర్చ మహేష్ అభిమానుల్లో గట్టిగానే నడుస్తోంది. ఆ మధ్య ” అయోద్యలో అర్జునుడు “, అభిమన్యుడు “, అర్జునుడు ” వంటి టైటిల్స్ బాగా వినిపించినప్పటికి చిత్రాయూనిట్ వేటిని కూడా కన్ఫర్మ్ చేయలేదు. ఇక ఇప్పుడు మరికొన్ని టైటిల్ సోషల్ మీడియాలో వైరల్ అవుతున్నాయి.

Also Read: ఆమె పై RRR ఫ్యాన్స్ సీరియస్

గుంటూరు బ్యాక్ డ్రాప్ లో ఈ మూవీ తెరకెక్కుతుండడంతో ” గుంటూరు మిర్చి “, గుంటూరు కారం “, అమరావతికి అటు ఇటు ” అనే టైటిల్స్ వినిపిస్తున్నాయి. అయితే ఇవేవీ కూడా మహేష్ ఇమేజ్ కు సరిపోయే విధంగా లేకపోవడంతో అభిమానులు గందరగోళానికి లోనౌతున్నారు. ఇక సూపర్ స్టార్ కృష్ణ బర్త్ డే కానుకగా తన సినిమా అప్డేట్స్ ఇవ్వడం మహేష్ సెంటిమెంట్. అందువల్ల మే 30న ఈ మూవీకి సంబంధించిన టైటిల్ ను చిత్రా యూనిట్ అధికారికంగా ప్రకటించే అవకాశం ఉంది. కేవలం టైటిల్ మాత్రమే కాకుండా గ్లింప్స్ కూడా విడుదల చేసే ఛాన్స్ ఉంది. మరి ” SSMB 28 ” కు సంబంధించి మహేష్ ఇమేజ్ కు తగ్గట్లుగా త్రివిక్రమ్ ఎలాంటి టైటిల్ పెడతారో చూడాలి.

Also Read: విశ్వక్‌సేన్‌:24/7 ఒకటే ధ్యాస` సాంగ్‌ లాంఛ్‌