టాలీవుడ్‌లో ఇటీవల విడుదలైన ‘జాతి రత్నాలు’ చిత్రం సూపర్‌ హిట్‌గా నిలిచింది. నవీన్ పోలిశెట్టి, రాహుల్ రామకృష్ణ, ప్రియ‌ద‌ర్శి ప్రధాన పాత్రలు పోషించిన ఈ చిత్రాన్ని డైరెక్టర్ అనుదీప్ కె.వి. రూపొందించాడు. ఫ‌రియా అబ్దుల్లా హీరోయిన్‌గా న‌టించింది. డైరెక్టర్ నాగ్ అశ్విన్ నిర్మాతగా స్వప్న సినిమాస్ బ్యానర్‌పై ఈ చిత్రాన్ని నిర్మించారు. తెలుగు రాష్ట్రాల్లోనే కాదు, ఓవర్‌సీస్‌లో జాతిరత్నాలు కలెక్షన్స్‌ దుమ్ము రేపుతోంది. రెండు రోజులకే డిస్ట్రిబ్యూటర్స్‌కు పెట్టిన మొత్తం వచ్చేసింది. ఇప్పుడు వచ్చేవన్నీ లాభాలే. ఈ సినిమా సక్సెస్‌తో డిస్ట్రిబ్యూటర్స్ సంబరాలు జరుపుకుంటున్నారు.
అయితే ఈ సినిమాకు సాధారణ ప్రేక్షకులే కాదు.. సినీ సెలబ్రిటీలు సైతం ఫిదా అయ్యారు. అందరూ సినిమాను ప్రశంసల్లో ముంచెత్తుతున్నారు. తాజాగా టాలీవుడ్‌ సూపర్‌స్టార్‌ మహేష్‌ ఈ సినిమాను ప్రశంసించారు. “వన్‌ నేనొక్కడినే సెట్స్‌లో నవీన్ పొలిశెట్టితో మాట్లాడాను. తను చాలా నిశ్శబ్దంగా, నవ్విస్తూ కనిపించినా ఎంతోకష్టపడే మనస్తత్వం కలవాడు. తనలో స్పార్క్‌ ఉందని తెలుసు. జాతిరత్నాలు సెన్సేషనల్‌ యాక్టింగ్‌తో మా మనసుని ఆకట్టుకున్నాడు. ఎంటైర్‌ టీమ్‌కు కంగ్రాట్స్‌. సినిమాను బాగా ఎంజాయ్‌ చేశాను” అని ట్వీట్‌ చేశారు మహేష్‌.
