సూపర్ స్టార్ మహేశ్ బాబు దర్శకుడు వంశీ పైడిపల్లి కాంబినేషన్ లో తెరకెక్కిన చిత్రం మహర్షి. కథానాయికగా పూజా హెగ్డె నటించగా..అల్లరి నరేష్ కీలక పాత్రలో కనిపంచనున్నారు. దిల్ రాజు, అశ్వినిదత్, పివిపిలు సంయుక్తంగా నిర్మిస్తున్న ఈసినిమా మే9న ప్రపంచవ్యాప్తంగా విడుదల కానుంది. ఇప్పటికే ఈమూవీ నుంచి విడుదలైన రెండు లుక్ లు అదరగొడుతున్నాయి. తాజాగా ఈసినిమా నుంచి అప్ డేట్ వచ్చింది. అభిమానులు ఎప్పుడెప్పుడా అని ఎదురు చూస్తున్న ఈసినిమాలోని ఫస్ట్ సాంగ్ విడుదలకు ముహుర్తం ఖరారైంది.
ఈ సినిమాలోని ఫస్ట్ సింగిల్ ను మార్చి 29 వ తేదీన ఉదయం 9:09 గంటలకు రిలీజ్ చేయబోతున్నారు. ఈవిషయాన్ని దర్శకుడు వంశీ పైడిపల్లి తన ట్వీట్టర్ ద్వారా తెలిపాడు. చోటి చోటి అనే పల్లవితో వచ్చే సాంగ్ ను మహేష్ బాబు, అల్లరి నరేష్, పూజా హెగ్డేలపై చిత్రీకరించారు. ఈపాటకు సంబంధించిన ఫోటో ఇప్పుడు సోషల్ మీడియాలో వైరల్ గా మారింది. మే9న విడుదలవుతున్న ఈమూవీపై భారీ అంచనాలు నెలకొన్నాయి.
ఈసినిమా తర్వాత మహేశ్ యువ దర్శకుడు అనిల్ రావిపూడితో చేయనున్నాడు. త్వరలోనే ఈసినిమా రెగ్యూలర్ షూటింగ్ ప్రారంభకానున్నట్లు తెలుస్తుంది. భరత్ అనే నేను సినిమా తర్వాత మహేశ్ నటిస్తున్న చిత్రం మహర్షి కావడంతో అభిమానులు ఎంతో ఆసక్తిగా ఎదురుచూస్తున్నారు. అభిమానుల ఆశలను మహేవ్ ఏమేరకు నిలబెడతారో చూడాలి మరి.
