సౌత్‌లో హీరో మాధవన్‌కు ఉన్న స్థానం చాలా ప్రత్యేకం. సఖిలో లవర్ బాయ్ గా కనిపించినా యువలో రౌడీగా భయపెట్టినా అది మాధవన్‌కే చెల్లుతుంది. ఒకపక్క సినిమాలతో పాటు మరోపక్క వెబ్ సిరీస్‌తో అలరిస్తున్న మాధవన్ ‘రాకెట్రీ ది నంబి ఎఫెక్ట్’ అనే సినిమాలో నటిస్తున్నాడు. సుప్రసిద్ధ సైంటిస్ట్ నంబి నారాయణ్ కథ ఆధారంగా రూపొందుతున్న ఈ బయోపిక్లో సిమ్రాన్ హీరోయిన్.
ఈ చిత్రాన్ని మాధవన్ తెర‌కెక్కిస్తూ నటిస్తున్నాడు. రాకెట్రీ అనే టైటిల్‌తో తెర‌కెక్కుతున్న ఈ చిత్రంకి సంబంధించిన ఫైన‌ల్ లుక్ రివీల్ చేశాడు మాధవన్. 14 గంట‌ల త‌ర్వాత పూర్తిగా మారిపోయిన నేను నంబినారాయ‌ణ‌న్ లుక్‌లోకి పూర్తిగా ఒదిగిపోయాను. ఒరిజిన‌ల్ ఎవ‌రో డూప్లికేట్ ఎవ‌రో గుర్తుప‌ట్టలేకున్నంత‌గా మారిపోయాను అని మాధవన్ స్ప‌ష్టం చేశాడు. నంబి నారాయణ్ జీవితంలోని మూడు ప్ర‌ధాన కోణాల‌ని బయోపిక్లో చూపించనున్న‌ట్టు స‌మాచారం. అంటే చిత్రంలో మూడు విభిన్న పాత్ర‌ల‌లో మాధవన్ క‌నిపించ‌నున్నాడ‌న్న‌మాట.
