విభిన్న కథలు చేస్తోన్న హీరో నితిన్ ప్రస్తుతం ‘మాచర్ల నియోజకవర్గం’ అంటూ మ‌రో సరికొత్త కాన్సెప్ట్‌తో రాబోతోన్నాడు. ఎంఎస్ రాజశేఖర్ రెడ్డి దర్శకత్వంలో తెర‌కెక్కుతోన్న ఈ చిత్రంలో నితిన్‌ను ఫుల్ యాక్షన్ మోడ్‌లో ప్రేక్షకులు చూడబోతోన్నారు. శ్రేష్ట్ మూవీస్ బ్యానర్‌పై ఈ మూవీని సుధాకర్ రెడ్డి, నిఖితా రెడ్డి నిర్మిస్తున్నారు. గత కొన్ని రోజులుగా ఈ సినిమా షూటింగు జరుగుతోంది. తాజాగా ఈ సినిమాకి రిలీజ్ డేట్‌ను ఖరారు చేశారు. ఏప్రిల్ 29వ తేదీన ఈ సినిమాను విడుదల చేయనున్నట్టు అధికారికంగా ప్రకటించారు.
ఈ చిత్రంలో నితిన్ సరసన కృతి శెట్టి హీరోయిన్‌గా నటిస్తోంది.మహతి స్వరసాగర్ సంగీతాన్ని అందిస్తున్నాడు. భీష్మ, మాస్ట్రో వంటి చిత్రాల తరువాత ముచ్చటగా మూడోసారి మహతి స్వరసాగర్‌తో కలిసి నితిన్ పని చేస్తున్నారు. ప్రసాద్ మూరెళ్ల కెమెరామెన్‌గా, మామిడాల తిరుపతి మాటల రచయితగా, సాహి సురేష్ ఆర్ట్ డైరెక్టర్‌గా, కోటగిరి వెంకటేశ్వరరావు ఎడిటర్‌గా బాధ్యతలు నిర్వహిస్తున్నారు.
నటీనటులు : నితిన్, కృతిశెట్టి తదితరులు
సాంకేతిక బృందం
రచయిత, దర్శకుడు : ఎంఎస్ రాజశేఖర్ రెడ్డి
నిర్మాత : సుధాకర్ రెడ్డి, నిఖితా రెడ్డి
సమర్పణ: రాజ్ కుమార్ ఆకెళ్ళ
బ్యానర్ : శ్రేష్ట్ మూవీస్.
సంగీతం : మహతి స్వర సాగర్
సినిమాటోగ్రఫర్ : ప్రసాద్ మూరెళ్ల
ఎడిటర్ : కోటగిరి వెంకటేశ్వర రావు
లైన్ ప్రొడ్యూసర్ : జీ హరి
మాటలు : మామిడాల తిరుపతి
ఆర్ట్ డైరెక్టర్ : సాహి సురేష్
పీఆర్ఓ : వంశీ-శేఖర్
