సుహాస్ స్ట్రగులింగ్ రచయిత పాత్రలో ‘రైటర్ పద్మభూషణ్’ గా పూర్తిస్థాయి ఫ్యామిలీ ఎంటర్‌ టైనర్ తో ప్రేక్షకుల ముందుకు వస్తున్నారు. నూతన దర్శకుడు షణ్ముఖ ప్రశాంత్ దర్శకత్వం వహించిన ఈ చిత్రంలో టీనా శిల్పరాజ్ కథానాయిక. చాయ్ బిస్కెట్ ఫిల్మ్స్, లహరి ఫిలింస్ సంయుక్తంగా ఈ చిత్రాన్ని నిర్మిస్తున్నాయి. అనురాగ్, శరత్, చంద్రు మనోహర్ నిర్మాతలు కాగా మనోహర్ గోవిందస్వామి ఈ చిత్రాన్ని సమర్పిస్తున్నారు.
శేఖర్ చంద్ర సంగీతం అందిస్తున్న ఈ చిత్రం నుండి ఫస్ట్ సింగిల్ కన్నుల్లో నీ రూపమే లిరికల్ వీడియో విడుదలైయింది. సోల్ ఫుల్ మెలోడీ గా ఈ పాట మనసుని హత్తుకుంది. ధనుంజయ్ వాయిస్ పాటకు మరింత ఆహ్లాదాన్ని జోడించింది.
♪♪నువ్వు నేను అంతే చాలు
ఈ లోకంతో పని లేదు
నువ్వే నాతో వుంటే చాలు
ఏదేమైనా పర్లేదు
నిన్నే చూస్తే చాలు పగలే వెన్నెలలు
నువ్వే నవ్వితే చాలు బోలెడు పండగలు
దారి దారంతా ఎదురొచ్చినవే
నా కన్నుల్లో నీ రూపమే
నా గుండెల్లో నీ ధ్యానమే ♪♪
భాస్కరభట్ల అందించిన సాహిత్యం మళ్ళీమళ్ళీ పాడుకునేలా వుంది. ఈ పాటలో లవ్‌బర్డ్స్ మధ్య మధురమైన క్షణాలు, చిన్ని చిన్ని అలకలు, కోపాలు చాలా అందంగా చూపించారు. లీడ్ పెయిర్ సుహాస్, టీనా శిల్పరాజ్ మధ్య కెమిస్ట్రీ ముచ్చటగా వుంది. ఈ పాట ఆల్బమ్‌లోని మిగిలిన పాటలపై మరింత ఆసక్తిని పెంచింది. వెంకట్ ఆర్ శాకమూరి సినిమాటోగ్రఫీ అందిస్తున్న ఈ చిత్రం త్వరలో విడుదలకు సిద్ధమవుతోంది.
తారాగణం: సుహాస్, టీనా శిల్పరాజ్, ఆశిష్ విద్యార్థి, రోహిణి
టెక్నికల్ టీమ్ :
రచన, దర్శకత్వం: షణ్ముఖ ప్రశాంత్
నిర్మాతలు: అనురాగ్, శరత్, చంద్రు మనోహర్
సమర్పణ: మనోహర్ గోవింద్ స్వామి
బ్యానర్లు: చాయ్ బిస్కెట్ ఫిల్మ్స్, లహరి ఫిల్మ్స్
సంగీతం: శేఖర్ చంద్ర
డీవోపీ: వెంకట్ ఆర్ శాకమూరి
ఎడిటర్: రామకృష్ణ అర్రం
ఆర్ట్: ఎల్లయ్య ఎస్
ఎగ్జిక్యూటివ్ ప్రొడ్యూసర్: సూర్య చౌదరి
పీఆర్వో: వంశీ-శేఖర్
