మాస్‌ కా బాప్…లాఠీ టీజర్

ఎ.వినోద్ కుమార్ దర్శకత్వంలో, రాణా ఎంటర్‌టైన్‌మెంట్స్ బ్యానర్‌పై రమణ – నంద సంయుక్తంగా నిర్మిస్తున్న చిత్రం లాఠీ. విశాల్ హీరోగా తెరకెక్కుతుండగా ఎవరు చట్టాన్ని చేతుల్లోకి తీసుకున్నా.. సామాన్య కానిస్టేబులైనా లాఠీ ఝళిపిస్తాడు అనే కాన్సెప్ట్ తో ఈ సినిమా తెరకెక్కింది. సెప్టెంబర్ 15న తెలుగు, తమిళ, మలయాళ, కన్నడ, హిందీ భాషల్లో ఈ సినిమా విడుదల కానుంది.

తాజాగా సినిమా ప్రమోషన్‌ కార్యక్రమాల్లో భాగంగా టీజర్‌ని రిలీజ్ చేశారు. గాయాల పాలై తనని బంధించిన గూండాల్ని ఉద్దేశిస్తూ.. ఒరేయ్.. తప్పు చేసి తలదాచుకొనే పోకిరివి నీకే ఇంత పొగరుంటే, ఆ తప్పును నిలదీసే పోలీసోడ్ని నాకెంత పొగరుంటుంది? అనే విశాల్ డైలాగ్ ఆకట్టుకుంది.