ఆసక్తిరేపుతున్న ‘కుడి ఎడమైతే’ టీజర్‌..

అమలాపాల్ – రాహుల్ విజయ్ ప్రధాన పాత్రలు పోషిస్తున్న ‘కుడి ఎడమైతే’ అనే సైంటిఫిక్ క్రైమ్ థ్రిల్లర్ సిరీస్‌ రూపొందింది. తాజాగా ఈ మూవీ టీజర్‌ను చిత్ర బృందం రిలీజ్ చేసింది. ‘యూ టర్న్’ ఫేమ్ పవన్ కుమార్ దర్శకత్వం వహిస్తున్న ఈ సిరీస్‌ను రామ్ విఘ్నేశ్ నిర్మిస్తున్నాడు. ఇటీవల ఈ వెబ్ సిరీస్‌కు సంబంధించిన మోషన్ పోస్టర్ విడుదలై ప్రేక్షకుల్లో ఆసక్తి రేకెత్తించింది.

ఈ వెబ్ సిరీస్‌ను ఈ నెల 16వ తేదీ నుంచి ‘ఆహా’లో స్ట్రీమింగుకు పెడుతున్నారు.. ఈ క్రమంలో తాజాగా టీజర్‌ను మేకర్స్ రిలీజ్ చేశారు. ఇందులో అమలాపాల్ పోలీస్ ఆఫీసర్‌గా, రాహుల్ విజయ్ డెలివరీ బాయ్‌గా కనిపిస్తున్నారు. ప్రస్తుతం ఈ టీజర్ ప్రేక్షకులను బాగానే ఆకట్టుకుంటోంది. పీపుల్ మీడియా ఫ్యాక్టరీ సంస్థ నిర్మిస్తున్న ‘కుడి ఎడమైతే’ సిరీస్ ఎంతవరకు ఆకట్టుకుంటుందో చూడాలి.