సీఎం కేసీఆర్ బర్త్ డే..మొక్కలు నాటిన కుడ చైర్మన్

ముఖ్యమంత్రి కేసీఆర్ 66వ పుట్టిన రోజు పురస్కరించుకుని గ్రీన్ ఇండియా ఛాలెంజ్ లో భాగంగా మొక్కలు నాటారు కుడ చైర్మన్ మర్రి యాదవ రెడ్డి. సీఎం కేసీఆర్ 66వ వసంతంలోకి అడుగుపెడుతుండటంతో వరంగల్ లోని ఆక్సిజన్ పార్క్ లో 66 మొక్కలు నాటారు.

ఈసందర్భంగా మర్రి యాదవ రెడ్డి మాట్లాడుతూ.. సీఎం కేసీఆర్ 66వ జన్మదినాన్ని పురస్కరించుకొని 66 మొక్కలు నాటడం జరిగింది. ఈ మొక్కలు తన వ్యక్తిగత పర్యవేక్షణలో ఎదిగే అంతవరకూ బాధ్యత తీసుకుంటానని అన్నారు. ముఖ్యమంత్రి కెసిఆర్ దూరదృష్టి తో భావితరాలకు మంచి వాతావరణం అందించే దిశగా, బంగారు భవిష్యత్తుకి తీసుకున్న నిర్ణయం హరితహారం. ఈ కార్యక్రమంలో కుడా సిబ్బంది , మిత్రులు ,టిఆర్ఎస్ పార్టీ కార్యకర్తలు పాల్గొన్నారు.